ABŞ Kosmik Qüvvələrinin istifadə etdiyi sirli kosmik gəmi X-37B tərəfindən çəkilmiş fotoşəkil paylaşılıb. Belə ki, ABŞ-ın sirli kosmik gəmisi X-37B tərəfindən çəkilmiş fotoşəkil Yer kürəsini əks etdirir.
ABŞ Kosmik Qüvvələrinin bəlkə də ən məxfi layihələrindən biri olan Boeing X-37 (X-37B) əlamətdar bir uğura imza atıb. Belə ki, kosmik gəminin daxili kamerası ilə çəkilmiş foto rəsmi olaraq ictimaiyyətlə paylaşılıb. ABŞ-ın X-37B layihəsi həqiqətən də sirrdir. Çünki ABŞ rəsmiləri bu kosmik gəmi ilə bağlı çox az açıqlama verirlər. Əsasən təyyarəni xatırladan kosmik gəmi zaman zaman orbitə çıxarılır və 908 günə qədər davam edə biləcək missiyalar yerinə yetirilir. İndi isə, bir missiya zamanı Yerin uzaqdan necə göründüyünə dair paylaşılan görüntü böyük marağa səbəb olub.
ABŞ Kosmik Qüvvələri mövzu ilə bağlı açıqlamasında bu fotonun 2024-cü ildə çəkildiyini bildirib. Missiya ilə bağlı məlumatı da paylaşan rəsmilərin sözlərinə görə, X-37B bu fotonu çəkərkən missiya çərçivəsində “aerodinamik əyləc” adlı sistemi sınaqdan keçirirmiş. Bu sistem kosmik gəmiyə çox az yanacaq sərf edərək orbitini dəyişməyə imkan verir. Qeyd edək ki, X-37B sonuncu dəfə 28 dekabr 2023-cü ildə kosmosa buraxılıb və o vaxtdan da kosmosdadır. Kosmik gəmi günəş panelləri ilə bu qədər uzun müddət kosmosda qala bilir. Çoxları tərəfindən casusluq üçün istifadə edildiyi düşünülən X-37B üzərindəki işlər haqqında hələlik deyə biləcəyimiz bu qədərdir.
