Son dövrlərdə populyarlaşan Memecoin-lər indi də bir digər dövlət başçısı tərəfindən çıxarılıb. Belə ki, daha əvvəl Donalt Trump və həyat yoldaşı ümumi dəyəri 95 milyard dollara çatan, lakin bir neeçə saat ərzində 7 dəfə azalaraq insanların bütün investisiyalarını məhv edən memecoin layihəsinə başlamışdılar. Məhz bu hadisə insanların böyük aqressiyasına da səbəb olmuşdu. İndi isə Argentina prezidenti tərəfindən çıxarılan yeni Memecoin bir saat ərzində 4.5 milyard dollarlıq dəyərini itirib.
Argentina prezidenti Javier Milei tərəfindən çıxarılan yeni Memecoin insanları sadəcə bir saat ərzində 4.5 milyard dollarlıq zərərə uğradıb. Ölkənin siyasətlərini formalaşdıracaq hərəkətlərin maliyyə qaynaqlarının kriptovalyuta investorları tərəfindən qarşılana biləcəyini görən Milei, öz itinin adı ilə başlatdığı LIBRA layihəsini paylaşaraq dəstəkləyib. Qeyd edək ki, LIBRA sadəcə 1 saat saat ərzində 4,5 milyard dollarlıq bazar dəyərinə çatıb. Hətta bəzi pul kisələrinin bu müddət ərzində milyonlarla dollar qazanc əldə etdiyi görülmüşdü. Lakin Milei müxalifətin reaksiyasından sonra bu postu silib və onu dəstəklədiyi üçün üzr istəyib.
Daha əvvəllər də olduğu kimi bu Memecoin layihəsi də birdən-birə çöküb. LIBRA-nın dəyəri sadəcə bir neçə saat ərzində 4.5 milyard dollarda 200 milyona qədər enib. Hətta bir neçə hesablar sadəcə bu coin üzərində 87 milyon dollar satış həyata keçirib. Görünən odur ki, prezidentə güvənərək milyonlarla dollar alanların sadəcə bir nçə min dolları qalıb.
