Şirkət bu gündən etibarən Çindəki veb-saytında Juniper kod adı ilə aylardır bəlli olan yeni Tesla Model Y-ni rəsmi olaraq elan edib. Yeni Tesla Model Y arxa ötürücülü First Edition versiyası üçün 263 500 yuan (35 940$) başlanğıc qiyməti və Long Range 4 təkərdən ötürücülü versiyası üçün 303 500 yuan (41 390$) qiymət təyin edib. Bu o deməkdir ki, başlanğıc qiymət əvvəlki halla müqayisədə 5,44% və ya 1850 dollar yüksəlib.
Ön tərəfdə biz Cybercab kimi dizayn dilini görürük. Belə ki, daha sərt aqressiv üslublu Tesla Model Y-nin ön hissəsində üç hissəli LED işıq imzası var. Bu dizayn xüsusilə Çin markaları arasında xarakterikdir. Böyük bir ehtimalla aerodinamikanı artırarkən, Çinlilərin də satış ədədlərini artırmaq üçün zövqünə uyğunlaşmaq üçün bu dizayn trendlərə uyğun hesab edilib. Bamperin aşağı hissəsində əsas köhnə versiyadan daha böyük şaquli hava girişləri mövcuddur. Hansı ki, o hissədə bamper kamerası da quraşdırılmışdır.
Facelift olduğu üçün gövdədə heç bir dəyişiklik yoxdur. Arxada da ön işıqlar kimi uzanan LED fənərləri görürük. Buradakı kamera bir az yuxarı, stop işıqlarının ortasına çəkilib. Nömrə nişanını da əvvəlkindən daha kəskin dizayna malik arxa diffuzora köçürülüb. Diffuzor həm aerodinamikanı, həm arxa kameraya gələn çirk və palçığı azaltmaq üçün təkmilləşdirilib. Tesla Model Y-nin yeni ön dizaynı sayəsində köhnə versiyaya nisbətən daha aerodinamik (0,22 Cd) avtomobilə çevrilib. Ölçülərdə heç bir dəyişiklik yoxdur, lakin yeni dizayn sayəsində ümumi uzunluqda təxminən 5 santimetr artım var.
Elektrikli modelin interyeri də gözlədiyimiz yeniləmələri alıb və korpus dizaynında premium deyilə biləcək dəyişikliklər var. İnteryerin Model 3 ilə eyni istiqamətdə davam etdiyini görürük. Lakin mərkəzdə AMD Ryzen prosessoru ilə böyük 15 düymlük multimedia ekranı var. Konsol və qapı panelləri arasında qüsursuz şəkildə uzanan incə mühit işıqlandırması da yenidir. Həmin hissədə yeni tikiş işləmələr və Model Y üçün yeni səs sistemi var. Oturcaq başlıqların indi 17 mm daha geniş olduğu da bildirilir. Arxa oturacaqlar da bir düyməyə toxunmaqla elektriklə qatlana bilər. Bundan əlavə, arxa sərnişinlər üçün gözlənilən 8 düymlük ekran da yeni Model Y-də debüt edir.
Avtomobilin hər iki versiyası 400V arxitekturasına malikdir. 800V dövrünün aktuallaşdığı dövrdə 400V görmək təəssüfləndiri hal olsa da əvvəlcədən bu elektromobilə gəlməyəcəyi bəlli idi. Tesla Model Y-nin arxa ötürücülü versiyası, CLTC məlumatına görə, 62.5 kVt/saat tutumlu CATL-nin LFP-ni özündə əks etdirən batareyası ilə 593 kilometrə qədər sürmə məsafəsi vəd edir. Burada köhnə versiya ilə müqayisədə 39 kilometr artım var. Bundan əlavə, enerji sərfiyyatı 11,9 kVt/100 km-ə düşüb. 220 kVt gücündə mühərriklə təchiz edilən bu versiya 0-dan 100 km/saata 5,9 saniyəyə sürətlənir.
Uzun mənzilli versiyada 719 km-ə qədər məsafə vəd edən 78,4 kVt/saat NMC batareya paketi var ki, bu da bu versiyada 31 kilometr artım deməkdir. Tesla bildirir ki, yeni model indiyədək ən uzun mənzilli Model Y modelidir. Ön oxda 194 kVt və arxa oxda 137 kVt istehsal edən iki elektrik mühərriki var. Beləliklə, ümumi güc 331 kVt və ya 450 at gücünə çatır.
İki mühərrikli variant 0-dan 100 km/saat həddinə 4.3 saniyəyə sürətlənir, yəni əvvəlki versiyadan 0.7 saniyə daha səmərəlidir. Bundan əlavə, hər iki versiyada maksimal sürət 217 km/saatdan 201 km/saata endirilib. LFP batareya seçimi 170 kVt-a qədər DC sürətli doldurulmasını dəstəkləyir, NMC batareyası isə 250 kVt-a qədər DC sürətli doldurulmasını dəstəkləyir. Tesla 15 dəqiqəlik şarjla 250 km məsafə qət etməyin mümkün olduğunu bildirir. “Performance” versiyası ilə bağlı detallar isə daha sonra elan olunacaq.
