Kanadanın robototexnika şirkəti Sanctuary AI insanabənzər robotlarını inkişaf etdirməyə davam edir. Şirkət həm obyektləri tuta, həm də onları dəqiqliklə idarə edə bilən yeni robot əlini təqdim edib. Beləliklə, Sanctuary AI vasitəsi ilə insanabənzər robotlarda insan əli inqilabı başlayıb deyə bilərik.
Kanadanın robototexnika şirkəti Sanctuary AI ümumi təyinatlı robotlarda insana bənzər intellekt yaratmaq missiyasında mühüm uğur qazanıb. Şirkət, 21 sərbəstlik dərəcəsi ilə robot əlləri ilə obyektləri əl ilə manipulyasiya etmək qabiliyyətini nümayiş etdirib. Bu texnologiya sənaye miqyasında dəqiq manipulyasiya tələb edən bir çox işi yerinə yetirməyə imkan verir. Şirkətin Phoenix adlı insanabənzər robotu indiyə qədər malik olduğu yüksək bacarıqlara bir yenisini əlavə edib: eyni əllə obyekti həm tutmaq, həm də manipulyasiya etmək bacarığı.
Şirkətin robot əl dizaynında təmin etdiyi çeviklik, şirkət tərəfindən hazırlanmış unikal mini hidravlik klapanlar sayəsində mümkün olub. Hidravlik sistemlər kabel və ya elektromexaniki əsaslı sistemlərdən daha yüksək güc sıxlığı təklif edir. Bu, sürət, davamlılıq, dəqiq nəzarət, uzun xidmət müddəti, təsir müqaviməti və istilik idarəçiliyində rakipsiz performans deməkdir. Şirkətin müvəqqəti icraçı direktoru və baş kommersiya direktoru Ceyms Uells mövzu ilə bağlı verdiyi açıqlamada robotlardakı çeviklik səviyyəsinin ümumi təyinatlı insanabənzər robotlar üçün hədəflənmiş bazarın ölçüsü ilə düz mütənasib olduğunu və məqsədlərinin bir robot yaratmaq olduğunu bildirib.
