Volkswagen şirkətin gələcəyini xilas edəcək bir müqavilə imzalayıb. Belə ki, bu müqavilə ən çox işçiləri və Volkswagen həvəskarlarını məyus edə bilər. Bir müddətdir maliyyə çətinliyi yaşadığı bilinən Alman avtomobil nəhəngi Volkswagen Almaniyanın ən böyük birliyi kimi tanınan “IG Metall” ilə razılığa gəlib. Beləliklə, Alman avtomobil nəhəngi olan Volkswagen 4 milyon avro qənaət etmək üçün 35 min işçisini ixtisar edəcək.
Müqavilənin şirkətin maliyyə problemlərinin həllinə ciddi töhfə verdiyi görünür. Bununla belə, bu razılaşmanın çoxlu “amma”ları var. Açıqlamaya görə, müqavilə Volkswagen-ə 4 milyard avroya yaxın qənaət etməyə imkan verəcək. Əsas şərtlərdən biri isə yaxın 5 ildə Volkswagen Almaniyada 35 min işçisini ixtisar etməsidir. Qeyd edək ki, alman avtomobil nəhənginin hazırda Almaniyada 120 minə yaxın işçisi mövcuddur. Bununla yanaşı isə, şirkətin istehsal gücü də 700 min civarında azalacaq. Volkswagen xərcləri azaltmaq üçün iki fabrikini qurban vermişdi. Onlardan biri Osnabrückdə, digəri isə Drezdendə yerləşir. Açıqlamaya görə, bu fabriklər bir müddət istifadəyə davam edəcək.
Volkswagen-in yenidən strukturlaşdırma planları ona elektrik modellərinin istehsalını artırmağa imkan verəcək. Bu üsul ilə şirkət Çinli rəqibləri, xüsusilə BYD-yə qarşı daha üstün mövqeyə sahib olacaq. Təbii ki, bu, Golf, Tiguan və Passat kimi modellərə heyran olan istehlakçılara təsir edəcək.
