Elon Musk tərəfindən uğurla idarə edilən SpaceX şirkətinin peyk interneti olan Starlink, smartfonları heç bir dəyişiklik etmədən DTC (Direct to Cell) peykləri ilə peyk şəbəkəsinə qoşmağa hazırlaşır.
Beləliklə, Space, Starlink peyk internet şəbəkəsinin birbaşa mobil xidmətini gücləndirmək üçün bir sıra yeni peyklər buraxmağa hazırlaşır. Şirkətin Falcon 9 raketi bu gün günorta saatlarında Floridadakı Cape Canaveral Kosmik Qüvvələr Stansiyasından 23 Starlink peykini aşağı Yer orbitinə göndərəcək. Bu isə bütün dünyada Starlink xidmətini təklif etmək üçün çox əhəmiyyətli qərardır.
SpaceX birbaşa mobil xidmətini inkişaf etdirmək üçün 2024-cü il ərzində fasiləsiz peyk buraxılışları həyata keçirib. Bu xidmət mobil telefonlara birbaşa peyk bağlantısı təklif etməklə əhatə dairələrini genişləndirmək və əlaqənin davamlılığını təmin etmək məqsədi daşıyır. Maraqlısı budur ki, smartfonlarda bu xidmətdən yararlanmaq üçün heç bir dəyişikliyə ehtiyac yoxdur. 2022-ci ildə T-Mobile ilə əməkdaşlıq çərçivəsində elan edilən bu layihə xüsusilə uzaq və əhatə dairəsi xaricində olan ərazilərdə ünsiyyət imkanlarını artıracaq. SpaceX-in Peyk Mühəndisliyi üzrə baş direktoru Ben Lonqmier X sosial media platformasında verdiyi açıqlamada, bildirib ki, “Direct to Cell ə kommersiya orbital qabığının tamamlanmasına yalnız bir raket buraxılışı qalıb”. Habelə, Longmier, Direct to Cell xidmətinin birinci mərhələsində istehlakçıların “müntəzəm mətn mesajı” xidmətindən yararlana biləcəklərini bildirib.
Qeyd edək ki, birinci mərhələdə Starlink peyk internetindən birbaşa smartfon vasitəsi ilə istifadə etmək aşağıdakı ölkələrdə aktivləşdiriləcək:
- T-Mobile (ABŞ)
- Rogers (Kanada)
- One NZ (Yeni Zelandiya)
- KDDI (Yaponiya)
- Optus (Avstraliya)
- Duz (İsveçrə)
- Entel (Çili)
- Entel (Peru)
