iOS 18.2 beta 2-də aşkar edilən kod, iPhone-ların tezliklə şarj vaxtını göstərəcəyini ortaya çıxarıb. Yeni funksiyanın dekabr ayında təqdim edilməsi gözlənilən iOS 18.2 yenilənməsi ilə birlikdə istifadəçilərə təklif olunacaq.
iOS 18.2 yeniləməsi təkcə yeni Apple Intelligence xüsusiyyətlərini deyil, həm də illərdir iPhone-lara gəlməsi gözlənilən bir sıra faydalı funksiyası ilə də əhəmiyyətli hesab olunur. Belə ki, yeni iOS funksiyası ilə artıq iPhone üçün şarj vaxtını görmək mümkün olur. Battery Intelligence adlanacağı ehtimal edilən yeni funksiya, çox güman ki, iPhone-un tam şarj olması üçün lazım olacaq müddəti onun aldığı enerji miqdarına əsasən qiymətləndirəcək. Məsələn; İstifadəçilərə iPhone-un 80%-lik doldurulmasına nə qədər vaxt lazım olacağı barədə təxmini vaxt bildiriş almaq imkanı veriləcək.
Yeni şarj funksiyası iOS 18.2-nin ən son beta versiyasında kodlar arasında tapılsa da, hələ işlək deyil. Bu, Apple-ın hələ də üzərində işlədiyi bir xüsusiyyət olduğunu göstərir. iOS 18 hazırda iPhone-u 80%, 85%, 90% və ya 95% şarjla məhdudlaşdırmaq imkanı təklif edir. O, həmçinin iPhone-un yavaş şarj cihazı ilə də hansı müddətdə şarj olacağını göstərir. Bununla yanaşı, Apple yenilənmə ilə birlikdə Apple Intelligence bağlı yenilikləri də istifadəçilərinə təqdim edəcək.
