Apple-ın daha sərfəli qiymətə təklif edəcəyi Apple Vision modeli iPhone-dan güc ala bilər. Belə ki, şirkətin bu üsulla istehsal xərclərini azaltmaq niyyətinə olduğu bildirilir.
Apple Vision Pro ilk təqdim edildiyi zamanlarda diqqət cəlb etsə də, qiyməti və istifadəsi asan olmadığı üçün gözlənilən rəğbəti görə bilmədi. Bloomberg-dən Mark Qurmanın sözlərinə görə, Apple indi daha sərfli Vision modeli üzərində çalışır. Yeni, daha ucuz Apple Vision modeli müxtəlif funksiyalardan istifadə etmək və prosessorun yükünü azaltmaq üçün bu vəzifəni iPhone modellərinə ötürə bilər. Beləliklə, yeni başlıq texniki olaraq batareya, ekran və əlaqə alətlərindən ibarət olacaq.
Əslində Gurman bu ideyanı əvvəllər də gündəmə gətirmişdi, lakin o zaman bu, Apple-ın düşündüyü bir çox alternativlərdən biri idi. Zaman keçdikcə isə, bu alternativin daha çox ön plana çıxdığını deyə bilərik. Yeni Vision iPhone-dakı məzmunu Xreal eynəkləri kimi Vision modelindəki ekranlara ötürəcək. Dəqiq proqnozları ilə tanınan başqa bir texnologiya jurnalist Ming Chi-Kuo, Apple-ın daha sərfəli Vision modelini 2027-ci ilə qədər təxirə saldığını bildirir. Belə ki, bu tarixə qədər Gurmanın irəli sürdüyü iddia reallaşa bilər. Lakin, Apple bu məhsulu sadəcə “iPhone aksesuarı olan Vision” kimi təklif edəcək. Bununla belə, yeni dəstin Apple Vision Pro-dan daha əlçatan qiymətə təklif olunacağı düşünülür.
