ABŞ mərkəzli avtomobil nəhəngi Tesla, yeni bloq yazısında 48 volt arxitekturasını populyarlaşdırmağa çalışır. Beləliklə, bu addımı ilə Tesla avtomobil sənayesində bir inqilab edərək 60 illik 12V dövrünə son qoymağa çağırır.
Tesla, nadir hallarda paylaşılan bloq yazılarından birini dərc edərək avtomobil sənayesində yeni standart yaratmaq səylərini açıqlayıb. Şirkət Cybertruck modelində təqdim etdiyi 48 volt (48V) aşağı gərginlikli elektron arxitekturasını və bu quruluşu dəstəkləyən yeni bağlayıcıları bütün avtomobil sənayesində standartlaşdırmağı hədəfləyir. Qeyd edək ki, şirkət bu çərçivədə Aşağı Gərginlik Konnektoru Standartını (LVCS) təqdim edib. Ümumiyyətlə, Tesla tərəfindən yayımlanan bloq yazısında, bu yeni standartlaşdırma addımının davamlı enerjiyə keçidi sürətləndirməyi hədəflədiyi, LVCS-nin həm səmərəliliyi artırmağı, həm də xərcləri azaltmağı hədəflədiyi vurğulanır. Bu yeni sistem sayəsində Tesla avtomobil daxili elektrik birləşmələrində istifadə olunan bağlayıcıların müxtəlifliyini altı əsas növlə məhdudlaşdırmağı planlaşdırır.
Şirkətin açıqlamalarına görə, 48V arxitektura ənənəvi 12V arxitektura ilə müqayisədə cərəyanın dörddə biri ilə eyni güc ehtiyacını qarşılaya bilir. Bu, həm də avtomobildəki kabel çəkisini azaldır və istehsal prosesini sadələşdirir. Tesla tərəfindən hazırlanmış altı fərqli bağlayıcılar, eyni gövdə və forma xüsusiyyətlərinə malikdir. Bu yeni birləşdirici dizaynı avtomobilin elektrik cihazlarının 90 faizindən çoxunda istifadə oluna bilər və müxtəlif naqil tələblərinə cavab verən müxtəlif tənzimləmələrə malikdir. Hazırda Tesladan başqa brendlər 48 volt arxitekturaya əsaslanan avtomobillər istehsal etmir. Tesla bu texnologiyaya çox inandığı üçün bəzi avtomobil istehsalçısılarına da bu texnologiyaya keçidlə bağlı təlimatlar göndərib. Bəs sizcə 60 illik standartı əvəz etmək yaxşı fikirdirmi?
