2021-ci ildə ABŞ-da baş verən hadisədə beyin ölümü keçirdiyi düşünülən bir kişinin orqanlarını çıxartmaq üçün əməliyyat masasında yatarkən oyandığı ortaya çıxıb.
Ümumiyyətlə, ABŞ-ın səhiyyə sistemi tez-tez tənqid obyektinə çevrilir. İndi internetdə ortaya çıxan son hadisə ölkədəki xəstəxanaların beyin ölümü və orqanların çıxarılmasına qərar vermək üçün istifadə etdiyi prosedurları sual altına qoyur. Keçən ay ABŞ Konqresinin Nümayəndələr Palatasının Resurslar və Ticarət Komitəsi orqanların necə yığılması və daşınması ilə bağlı suallarına cavab verən məktub dərc edib. . Məktubda 2021-ci ildə Kentukki ştatında baş verən hadisə də açıqlanıb.
36 yaşlı II Thomas Hoover adlı Amerika vətəndaşı 2021-ci ilin oktyabrında xəstəxanaya yerləşdirilib və daha sonra beyin ölümü gerçəkləşdiyi üçün onun vəsiyyətinə uyğun olaraq orqan transplantasiyası üçün əməliyyat olunub. Hoover, əməliyyata gedərkən bacısı Donna Rhorer qardaşının gözlərinin açıq olduğunu və ətrafa baxdığını deyərək etiraz edib. lakin həkimlər bunun adi bir refleks olduğunu bildiriblər. Hoover, ürəyi çıxarılmadan əvvəl damarlarda tıxanma olub-olmadığını müəyyən etmək üçün edilən ürək kateterizasiyası zamanı əməliyyat masasında qıvrılmağa başlayıb. Xəstə aydın şəkildə hərəkət etməyə başlayanda və “gözlə görünən şəkildə ağladıqda” prosedur dayandırılıb, çıxarılan orqanlar da yerinə qoyulub.
Bildirilib ki, xəstəxananın həkimləri hadisə ilə bağlı adlarının hallandırılmasını istəməyib və əməliyyatdan əl çəkiblər. Qeyd edək ki, Hoover bu hadisəyə baxmayaraq sağ qalmağı bacarsa da, nitq, yaddaş və hərəkət problemləri davam edir. Bu hadisədən sonra ölüm qərarı və orqan nəqli prosedurları ilə bağlı müzakirələrin böyüməsi gözlənilir.
