Mercedes şirkəti elektromobillərdə istifadə olunan “batareya”-ların 96 faizini təkrar emal etməyə imkan verəcək yeni fabrikini istifadəyə verib.
Mercedes-Benz, Avropadakı ilk batareya təkrar emalı zavodunu Almaniyanın Kuppenheim şəhərində istifadəyə verib. İllik məhsuldarlığı 2500 ton olan müəssisə elektriklə işləyən avtomobillərin batareyaları üçün istifadə olunan litium, nikel və kobalt kimi qiymətli xammalı təkrar emal edə bilər. Şirkətdən verilən açıqlamada, batareyaların obyektdə inteqrasiya olunmuş mexaniki-hidrometallurgiya prosesi ilə 96%-dən çox təkrar emal dərəcəsi var. Təkrar emal prosesi, batareya modullarının sökülməsi, aktiv materialların emalı və müxtəlif materialların ayrılmasını əhatə edən çoxmərhələli prosesdən ibarətdir. Qara kütlə adlanan batareya hüceyrə elektrodları kimyəvi bir proses vasitəsilə işlənir ki, xammal ayrıca təkrar emal oluna bilsin.
Mercedes həm də öz batareyalarının təkrar emal dövrünü tamamlayan ilk avtomobil istehsalçısı kimi tarixə düşüb. Alman avtomobil nəhəngi bildirib ki, daha az enerji sərf etməklə yanaşı, Avropada geniş istifadə olunan pirometallurgiya ilə müqayisədə daha az tullantı istehsal edir. Bu yeni obyekt xalis karbon neytral kimi fəaliyyət göstərir. Mercedes gələcəkdə zavodun gücünü artırmağı planlaşdırır. Primobius ilə birlikdə inkişaf etdirdiyi obyekt üçün on milyonlarla avro sərmayə qoyan şirkət Almaniya Federal İqtisadiyyat və İqlim Fəaliyyəti Nazirliyindən də dəstək alıb. Fabrikin inkişafı üçün Mercedes üç universitetlə elmi əməkdaşlığa girib.
