XDA mənbəsi, Microsoft şirkətinin biznes modelindəki dəyişiklik səbəbindən Windows 12 əməliyyat sistemini buraxmayacağını bildirib. Belə ki, jurnalistlərin fikrinə görə, qısa müddət əvvəl paylaşılan payız yenilənməsi ilə birlikdə Windows 11 əməliyyat sistemi əslində Windows 12-yə çevrilib.
Mənbələr texnologiya nəhənginin Windows 12-dən imtina etmək qərarını, onu Windows 11 ilə əvəzləyəməyə çalışması ilə izah edirlər. Microsoft-un artıq öz biznes strategiyasını dəyişib və yeni əməliyyat sistemini böyük bir yeniləmənin arxasında gizləydiyi də iddia edilir. Мəqаlədə qеуd еdіlіr kі, “Місrоѕоft” 2006-сı іldə “Wіndоwѕ Vіѕtа”dаn bаşlауаrаq 2015-сі іldə “Wіndоwѕ 10”а qədər hər üç іldən bіr “Wіndоwѕ”un уеnі vеrѕіуаlаrını burахır. Jurnalistlər qeyd ediblər ki, “Windows” tədricən pullu əməliyyat sisteminə çevrilib, ona görə də ayrı-ayrı versiyalar çıxarmağın artıq onlar üçün bir mənası yoxdur.
Həmçinin 24H2 yeniləməsinin effektiv şəkildə Windows 11-i fərqli əməliyyat sisteminə çevirdiyi bildirilir. Mütəxəssislərin fikrincə, Microsoft yenilənmələri pulsuz təqdim etsə də, yeni avadanlıqların satışından və xidmətlərə çıxışdan qazanc əldə edir. Xatırladaq ki, Windows 11 24H2 yeniləməsi Microsoft tərəfindən oktyabrın əvvəlində buraxılıb. Hətta bir çoxları bunu son iki ilin ən böyük Windows yenilənməsi olaraq da adlandırmışdılar. Buna baxmayaraq, bu yenilənmə ilə Windows 11 əsaslı cihazlarda mövcud olan SSD-lərdə xətalar meydana gəlib və şirkət bu problemin həlli üçün bir məqalə dərc edib.
