Samsung uzun müddətdir ki, gözlənilən yeni Galaxy S24 FE modelini nəhayət təqdim edib. Belə ki, smartfon daha böyük ekran, daha güclü çipset və daha uzun batareya ömrü kimi bir sıra yeniliklərə sahib olub.
Samsungun FE seriyasının ən son üzvü Galaxy S24 FE artıq təqdim edilib. Sələfindən daha böyük ekranla gələn Galaxy S24 FE, S24 seriyası ilə eyni dizayn konsepsiyasını saxlayır. Hansı ki, bu cihazda da düz kənarlı alüminium metal çərçivə, parlaq şüşə arxa qapaq və kamera dəliyi olan ekran istifadə olunub. Ekran demişkən, smartfon 6,7 düymlük Dynamic AMOLED 2X displeyə sahibdir. Qeyd edək ki, bu ekran FHD+ təsvir ölçüsü və 1900 nit parlaqlıq kimi bir sıra xüsusiyyətlər ilə təchiz edilib.
Samsung-un Exynos 2400e çipseti ilə təchiz edilən telefon performans və səmərəlilik tərəfində sələfi S23 FE-ni xeyli qabaqlayır. Cihazın çipseti 8 GB RAM və 128 GB, 256 GB və 512 GB yaddaş versiyalarına sahib olub. Samsung, həmçinin flaqman seriyasında olan ProVisual mühərrikini FE seriyasına gətirib. Bu mühərrik aşağı işıqlı fotoşəkilləri təkmilləşdirən ISP-ni Super HDR-də rəngləri optimallaşdıran mövzudan xəbərdar mühərriklə birləşdirir. Bununla isə az işıqlı fotoşəkillər daha keyfiyyətli olur. Kamera tərəfində isə bizi 50 MP əsas, 3x böyütməyə sahib 8 MP telefoto, 12 MP ultra-geniş bucaqlı kamera sensorları qarşılayır. Əslində bu kamera quruluşu ötən ilki ilə eyni olsa da, ProVisual mühərriki ilə artan emal gücü kamera keyfiyyətini yaxşılaşdıracaq.
Samsung Galaxy S24 FE-də daha bir təkmilləşdirmə batareya tərəfində baş verib. S23 FE-dəki batareya 200 mAh daha artaraq 4700 mAh həcmə sahib olub. Şarj tərəfində isə dəyişiklik olmayıb və 25 Vt simli, 15 Vt simsiz şarj mövcuddur. Galaxy S24 FE qutudan Android 14 və OneUI 6.1 ilə gəlir və 7 illik əməliyyat sistemi və təhlükəsizlik yeniləmə zəmanəti ilə qabaqcıl modellər səviyyəsinə çatır. Bundan əlavə, smartfonda bütün Galaxy AI xüsusiyyətləri də mövcuddur. Qiymət tərəfində isə yeni smartfon ABŞ-da 650 dollar başlanğıc qiymət etiketi ilə satışa çıxarılıb.
