Bildiyimiz kimi, “OceanGate” şirkətinə məxsus “Titan” sualtı qayığı 2023-cü ildə “Titanik” gəmisinin qəzasına düşərkən qəfildən partlayaraq batıb. OceanGate şirkətinin Titan sualtı qayığının ən son görüntüsü ilk dəfə olaraq ABŞ Sahil Mühafizəsi tərəfindən paylaşılıb.
Qeyd edək ki, OceanGate şirkətinin “Titan” sualtı qayığının su altında partlaması və içərisində olan 5 sərnişinin həlak olması ilə bağlı son görüntülər yayılıb. Faciə ilə bağlı məhkəmənin ilk günündə paylaşılan görüntülərdə sualtı qayığın parçalanmış quyruq hissəsinin Şimali Atlantik Okeanının bulanıq dibində, dəniz səviyyəsindən təxminən 12,500 fut və ya 3810 metr aşağıda batdığı göstərilir. OceanGate sualtı qayığının yayımlanan ən görüntüsü göstərir ki, onun quyruq hissəsi əsas gövdədən tamamilə ayrılıb və sualtı qayığın digər hissələri ətrafa səpələnib. Sözügedən görüntü əslində keçən il sualtı qayığın axtarışları zamanı çəkilib. ABŞ Sahil Mühafizəsi rəsmiləri dünənki dinləmə zamanı Titanın son səyahətini əks etdirən animasiya filmini təqdim ediblər.
İstintaq faylına görə, iyunun 18-də baş verən partlayışdan dərhal əvvəl Titan Polar Prince-də olan dəstək personalı ilə əlaqə saxlayıb. Sualtı qayığın dərinliyi və çəkisi ilə bağlı mesajdan sonra əlaqə kəsilib və ekipajdan eşidilən son söz “Hər şey yaxşıdır” olub. Titan sualtına endikdən təxminən iki saat sonra partlayıb. Səlahiyyətli şəxslər sualtı qayığın qəfil təzyiq çökməsinə (implozon) məruz qaldığını təsdiqləyən “qənaətbəxş sübutl” tapdıqlarını bildiriblər. İşin növbəti dinləmələrində iştirak edəcəyi gözlənilən adlar arasında OceanGate-in həmtəsisçisi Guillermo Sohnlein, şirkətin keçmiş əməliyyat direktoru David Lochridge və keçmiş elmi direktor Steven Ross da var. İş üzrə çoxlu ABŞ Sahil Mühafizəsi rəsmiləri və alimlərinin, habelə hökumət və sənaye rəsmilərinin də dindiriləcəyi gözlənilir.
ABŞ Sahil Mühafizəsi rəsmiləri dinləmədə verdikləri açıqlamada Titanın 2022 və 2023-cü illərdə yeddi ay anbarda qaldığı müddətdə xarici faktorlara məruz qaldığını açıqlayıb. Həmçinin məlum olub ki, dəniz gəmisi heç vaxt üçüncü şəxs tərəfindən standart prosesə uyğun yoxlanmayıb. Məhkəmənin ilk şahidi, OceanGate-in keçmiş mühəndis direktoru Tony Nissen etiraf edib ki, Titan-ı 2018-ci ildə sınaq missiyası zamanı ildırım vurub və gövdəsi zədələnmiş ola bilər. Tədqiqatçılar həmçinin Titanın əvvəlki ekspedisiyalarda onlarla avadanlıq problemi yaşadığını aşkar ediblər. Bu rəqəmlər 2021-ci ildə 70, 2022-ci ildə isə 48 olaraq qeydə alınıb.
