ABŞ Federal Aviasiya Administrasiyası (FAA) keçən il SpaceX şirkətinin buraxılış lisenziyasının pozulmasına görə 633 009 dollar cərimələnməsini təklif etmişdi. Buna cavab olaraq şirkətin baş direktoru Elon Musk tənzimləyicini “uyğun olmayan, siyasi motivli davranış”da ittiham edərək, FAA-nı məhkəməyə verməklə hədələyərək bunu inkar etməyi seçmişdi. Qeyd edək ki, SpaceX üçün nəzərdə tutulan cəza Elon Musk-ın səbirsizliyi səbəbindən baş verib.
Ümumiyyətlə, təklif olunan cəzalar keçən il bir neçə ay fərqlə baş vermiş iki insidentdən irəli gəlir. Belə ki, FAA qeydlərinə görə, hər iki hadisə Muskın yeni buraxılış meydançalarından istifadə etmək üçün FAA-nın təsdiqini gözləmək istəmədiyini göstərir, buna görə də SpaceX tənzimləyici qurumdan müvafiq lisenziya almadan raketlərini kosmosa buraxıb. Birinci halda, iyun ayında Falcon 9 raketinin göyərtəsində İndoneziya rabitə peykinin buraxılması üçün Hangar X-dəki idarəetmə otağından istifadə edilmişdir. Bununla belə, SpaceX buraxılışdan cəmi bir ay əvvəl FAA-ya obyektdən istifadə üçün icazə üçün müraciət etmişdi və 18 iyun buraxılış tarixinə FAA bu icazəni verməmişdi.
Habelə, SpaceX FAA-ya bildirdi ki, o, buraxılışa hazırlaşmaq üçün məcburi proseslərdən birini reallaşdırmadan keçməyi planlaşdırır. Agentlik bildirib ki, bu pozuntulara görə şirkət 350 min dollar cərimə olunub. İyul ayında EchoStar XXIV peykinin buraxılması ilə bağlı başqa bir hadisədə SpaceX oxşar “gözləmə, hərəkətə keçmə” taktikasından istifadə edib. Bu dəfə problem Kennedy Kosmik Mərkəzində yeni tikilmiş raket yanacaq çəni idi. SpaceX iyul ayında sayt planının nəzərdən keçirilməsini tələb etsə də, EchoStar XXIV-in iyulun 28-də buraxılması üçün təsdiqlənməmiş raket yanacaq çəni istifadə edib. Bu pozuntuya görə FAA şirkəti 283 009 dollar cərimə etməyi təklif edir. Beləliklə, SpaceX məhz Elon Musk-ın səbirsiz qərarları nəticəsində yüklü miqdarda cəza ödəməli olacaq.
