Nvidia direktoru Jensen Huang, süni intellekt olmadan kompüter qrafikasında irəliləyiş əldə etməyin mümkün olmadığını müdafiə edib. Belə ki, son dövrlərin ən çox səs gətirən kəşflərindən olan süni intellekt qrafik kart nəhənginin ayrılmaz tərkib hissəsinə çevrilib.
Ümumiyyətlə, süni intellektə əsaslanan genişlənmə texnologiyaları kompüter qrafikasında əsas tendensiyaya çevrilib. Əslində Nvidia, AMD və Intel arasında rəqabət bu sahədə davam edərkən, PS5 Pro-nun da oxşar həll yolu ilə təqdim edildiyini görmüşdük. İndi bu adlar arasında olan Nvidia, Goldman Sachs Texnologiya Konfransında süni intellektlə bağlı yeni açıqlamalar verib. Nvidia CEO-su Jensen Huang San Fransiskoda keçirilən texnologiya sərgisində bir çox sualları cavablandırıb. Amma deyə bilərik ki, ən əsası süni intellekt və kompüter qrafikası idi. İş o yerə çatıb ki, direktor artıq süni intellekt olmadan kompüter qrafikasında irəliləyiş əldə etməyin mümkün olmadığını bəyan edib.
Jensen bildirri ki, “Bir pikseli hesablayırıq, digər 32 pikseli çıxarırıq. Bu inanılmazdır. Və beləliklə, digər 32 pikselə də halüsinasiyalar veririk, əgər istəsəniz, o, müvəqqəti olaraq sabit görünür, fotoreal görünür və görüntü keyfiyyəti inanılmazdır, performans inanılmazdır”. Bildiyiniz kimi, əvvəlki qrafiklərin işlənməsi texnikaları hər bir pikselin bir-bir hesablanmasına əsaslanırdı, süni intellekt isə hesablanmış bir pikseldən sonra başqalarını “proqnozlaşdırmağa” imkan verir. Bu, təkcə görüntü keyfiyyətini yaxşılaşdırmır, həm də performans baxımından böyük səmərəlilik gətirir. Nvidia tərəfindən hazırlanmış Frame Generation və DLSS (Deep Learning Super Sampling) texnologiyası bu tərəqqinin ən böyük nümunələrindən biridir. Bununla belə, süni intellektə əsaslanan təkmilləşdirmə texnologiyaları bəzi narahatlıqlara səbəb olub. Məsələn, Remnant II kimi müasir oyunlar indi sistem tələblərində DLSS kimi texnologiyalarla hədəflənmiş performansı ehtiva edir.
