Uzun müddətdir ki, gözlənilən yeni PlayStation 5 Pro oyun konsolu Sony şirkəti tərəfindən rəsmi olaraq təqdim edilib. Yeni Pro versiyalı oyun konsolu sələfindən daha yaxşı render performansı və süni intellekt performansı təklif edir. Qeyd edək ki, cihazın nə vaxt satışa çıxacağı və qiymətləri də bəlli olub.
Sony mühəndisi Mark Cerny bir neçə dəqiqəlik video ilə PlayStation 5 Pro konsolunu rəsmi olaraaq təqdim edib. Konsolun texniki detalları və performans xüsusiyyətləri daha sonra rəsmiləşəcək. PlayStation 5 Pro konsolu bütünlüklə performansa diqqət yetirir. Bildirilir ki, 60 FPS orta kadr sürəti indi daha səmərəli və balanslı şəkildə təqdim ediləcək. PS5 Pro çipindəki qrafik blokunun emal vahidləri 67 faiz, RAM performansı da 28 faiz artırılıb. Habelə render performansında 45 faiz artım əldə edilib. Yeni oyun konsolunda 10TFLOPS emal gücünün 33 TFLOPS-u keçəcəyi daha əvvəl də gündəmə gətirilmişdi.
Konsolda şüa izləmə süni intellekt sayəsində daha səmərəli və daha yüksək performansla işləyir. PlayStation Spectral Super Resolution (PSSR) təkmilləşdirmə texnologiyasını dəstəkləməklə o, təsvir keyfiyyətini yaxşılaşdırır və render performansına təsir etmədən daha yaxşı oyun təcrübəsi təklif edir. Konsolun 8 bitlik emalda 300 TOPS tutumlu xüsusi maşın öyrənmə arxitekturasına malik olacağı da daha əvvəl sızdırılmışdı. Sony rəsmiləri bildirirlər ki, Spiderman və Last of Us kimi bir çox oyun daha yüksək görüntü keyfiyyəti və performansla işləyəcək. Qeyd edək ki, cihazın satışa çıxarılma tarixi kimi 7 Noyabr 2024-cü il təyin edilib. Habelə, yeni konsol 700-800 avra qiymət etiketinə sahib olub.
