Saytlara, tətbiqlərə, oyunlara giriş etdikdə qeydiyyatdan keçilməsi tələb olunursa bir çox insan bir-bir məlumatları daxil etməyi sevmir. Ona görə də alternativ olaraq Google, Facebook kimi şirkətlərin servislərinin asan qeydiyyat üsullarından edirlər. Bu platformalar onsuzda şəxsi məlumatlarınıza sahibdir deyə qeydiyyatda lazım olan detalları giriş etdiyiniz yerə təqdim edərək prosesi asanlaşdırır. Bu xüsusiyyət istifadəçi təcrübəsini əhəmiyyətli dərəcədə yaxşılaşdırsa da özü ilə birlikdə hesab təhlükəsizliyi ilə bağlı bəzi problemləri də gətirir. Ona görə Google, bu xidmətlə bağlı dəyişikliklər edir. İlk olaraq təhlükəsizliyin zəif olduğu platformalarda google ilə giriş et xüsusiyyəti ləğv edilir. Yerdə qalan platformalara isə Google ilə qeydiyyatdan keçmək üçün indiyə qədər mövcud olmayan yeni bənd və tələblər əlavə ediləcək.
Google ilə giriş etmək üçün yeni bir parol və iki faktorlu identifikasiyadan istifadə etməlisiniz
Bu vaxta kimi sadəcə bir düymə ilə qeydiyyatı asan bir formada tamamlamaq mümkün idi. İndi isə Google sizdən qeydiyyatı tamamlamaq üçün yeni şeylər istəyir. Bundan sonra hər Google ilə giriş etdiyiniz platforma üçün yeni bir parol yaratmalısınız. Yaratdığınız parol da iki faktorlu identifikasiya (2FA) ilə birləşdirilərək saxlanılacağından hesabınızda 2FA mütləq aktiv olmalıdır. Əks halda platforma Google ilə giriş et xüsusiyyətini dəstəkləsə belə siz bundan yararlana bilməyəcəksiniz.
Tətbiqlərin də Google ilə giriş et funksiyasını istifadəçiyə təqdim etməsi üçün OAuth2 sistemini dəstəkləməsi lazımdır. OAuth2, Google ilə qeydiyyatdan keçməyinizə və platformanın Google hesabınızla əlaqə yaratmasında işə yarayan təsdiqləmə sistemidir.
Yeniliklər təhlükəsizliyi gücləndirməsinə baxmayaraq həm istifadəçilərin, həm də tətbiqləri və.s hazırlayan tərtibatçıların işini biraz çətinləşdirəcək. İndiyə qədər Google hesabınızla giriş etdiyiniz yerlərdə problemlə qarşılaşsanız, Gmail adresinizi əllə yazaraq daxil olmağı yoxlaya bilərsiniz.
Sonda qeyd edək ki, şifrələrin idarə edilməsi ilə bağlı fərqli bir yenilik də istifadəyə verilib. Android cihazların əsas ekranına Google Password Manager vidjetini əlavə edə biləcəksiniz. Bu vidjet şifrə parametrlərinizin qısa yolla əlçatan olmasına imkan verəcək. Yenilik hələlik bütün smartfonlarda mövcud deyil. Bu aydan etibarən yavaş-yavaş cihazlara göndərilməyə başlanacaq.
