Morgan Stanley-nin araşdırmasına istinadən Reuters xəbər verir ki, məlumat mərkəzlərindəki emissiyalar on illiyin sonunda böyük problemlərə yol aça bilər. Belə ki, məlumat mərkəzlərinin karbon qazı emissiyaları 2030-cu ilə qədər 2.5 milyard tona çata bilər. Bu isə dekarbonizasiya investisiyalarını artıra bilər.
Məqalədə bildirilir ki, Google, Microsoft, Meta və Amazon kimi böyük texnologiya şirkətləri regionda informasiya və hesablama texnologiyalarının imkanlarını genişləndirmək üçün enerji tutumlu məlumat mərkəzlərinin inkişafında liderlik edir. Eyni zamanda, şirkətlər 2030-cu ilə qədər karbon qazı emissiyalarını azaltmaq üçün daha əvvəl təyin etdiklərini məqsədlərini reallaşdırırlar. Hesabatda həmçinin məlum olub ki, qlobal məlumat mərkəzi sənayesindən istixana qazı emissiyaları Birləşmiş Ştatların ümumi illik emissiyalarının təxminən 40%-ni təşkil edir.
Həmçinin, aparılan tədqiqat böyük məlumat mərkəzlərinin yaranması təmiz enerjinin, enerjiyə qənaət edən avadanlıqların və “yaşıl” tikinti materiallarının inkişafına artan investisiyaları təşviq etdiyini də göstərib. Karbon tutma, saxlama və istifadə bir sözlə CCUS texnologiyaları və atmosferdən karbon qazını çıxarmaq texnologiyalarının da sürətlə genişlənməsi gözlənilir. Böyük texnologiya nəhəngləri isə karbon qazı emissiyalarını azaltmaq mövzusunda daha əvvəl verdikləri vədlərini yerinə gətirməyə çalışırlar. Lakin, alimlər bunun kifayət etməyəcəyini və əlavə olaraq da bəzi tədbirlərin görülməli olduğunu bildirirlər.
