Texnologiya dünyasının əhəmiyyətli adlarından biri olan Oppo, hazırda çox əhəmiyyətli bir layihə üzərində çalışır. Belə ki, əgər proqrnozlar doğru çıxarsa Oppo tarixi addım ataraq flaqman modellər üçün daha böyük batareyalar istifadə edə bilər.
Beləliklə, flaqman smartfon arasında batareyalar həcmi tərəfində bir inqilaba şahid ola bilərik. Əvvəllər kiçik batareyaları ilə tanınan bu cihazlar, indi böyük tutumlu batareyalarla istifadəçilərinə daha uzun müddətli istifadə təklif etməyi hədəfləyir. Yeni nəsil yüksək sıxlıqlı batareya texnologiyası bu dəyişikliyin arxasında duran əsas amildir. Bu texnologiya köhnə texnologiyalarla müqayisədə daha kiçik boşluqlara daha çox batareya tutumunu yerləşdirməyə imkan verir. Məsələn, əvvəllər 5000 mAh batareya ilə məhdudlaşan bir yer indi eyni ölçülü 5500 mAh tutumlu batareya təklif edə bilər. Bu innovativ batareya texnologiyası, görünür, gələcəkdə daha çox cihazda yer tapacaq.
Bildirilir ki, OPPO laboratoriyaları hazırda 7000 mAh tutumlu bateriya üzərində işləyir.Bu böyük batareyanın 80W sürətli simli şarj dəstəyi ilə gələcəyi də iddia edilir. Lakin bu texnologiyanın hansı smartfon modellərində istifadə ediləcəyi və ya bu batareya yüksək sıxlıqlı batareya texnologiyasından, yoxsa köhnə texnologiyadan istifadə edəcəyi hələ dəqiq deyil. Bununla belə, OPPO-nun hər zaman ən son texnologiyalara üstünlük verməyə meylli bir marka olduğunu nəzərə alsaq, bu böyük batareyanın yəqin ki, yeni yüksək sıxlıqlı batareya texnologiyasından istifadə edəcəyini proqnozlaşdırmaq olar. Əks halda cihazın qalın, həcmli və ağır olması kimi mənfi nəticələrlə qarşılaşmaq qaçınılmaz olacaq. Hələlik ətraflı məlumat olmasa da Oppo şirkətinin flaqman smartfonlr üçün daha böyük batareya istifadə edəcəyi dəqiqdir.
