Çin mərkəzli texnologiya nəhənglərindən olan Xiaomi genişdilli Gemini modelini beynəlxalq bazar üçün təqdim edilən flaqman modellərinə inteqrasiya etməyi düşünür. Belə ki, texnologiya nəhəngi indi Gemini dəstəyi üçün Google ilə əməkdaşlıq edəcək.
Xiaomi şirkətinin baş icraçı direktrou Lei Jun bildirib ki, “Biz Google ilə Xiaomi-nin beynəlxalq bazarlar üçün flaqman cihazlar üzərində işləməsindən həyəcan hissi duyuruq. Google Cloud və Gekini istifadə edəcək flaqman cihazlar daha ağıılı və intuitiv funksiyalar təqdim edəcək”. Xatırladaq ki, Xiaomi 15 flaqman modellərinin bu ilin sonunda təqdim ediləcəyi gözlənilir. Bununla yanaşı, hələlik Xiaomi-nin Çin bazarı üçün təqdim edəcəyi flaqman cihazları üçün Gemini tətbiq edib-etməyəcəyi məlum deyil.
Maraqlısı budur ki, Xiaomi hazırda öz MiLM adlı süni intellekt modelini inkişaf etdirir. Hətta bununla bağlı müvafiq sənədlər may ayında ortaya çıxmışdı. IDC analitikinin fikrincə, Xiaomi 2-ci rübdə 14,8 faiz bazar payı ilə dünyanın üçüncü smartfon satıcısı olmağı bacarıb. Samsung və Apple müvafiq olaraq 18,8 faiz və 15,8 faiz payla birinci və ikinci yerləri tutublar. IDC əlavə edib ki, ikinci rübdə qlobal smartfon tədarükləri əvvəlki ilin eyni dövrü ilə müqayisədə 6,5 faiz artaraq 285,4 milyon ədədə çatıb. Apple bu il öz Apple Intelligence sistemini iPhone-larına inteqrasiya etməyi planlaşdırır, lakin Çində şirkətin yerli AI həll provayderindən istifadə edəcəyi gözlənilir.
