Ən çox istifadəçi kütləsinə sahib olan Meta və YouTube reklamlarda gizlicə uşaqları hədəf alırmış. Belə ki, texnologiya nəhənglərinin təxminən 13-17 yaş arası uşaqları hədəflədiyi məlum olub. Sosial media platformalarının 18 yaşdan kiçik insanları hədəf alan reklamlar yayımlaması olduqca mübahisəlidir və Meta ilə YouTube şirkətlərinin öz qaydaları bu qrupu hədəfləyən reklamları qadağan edir.
Təbii ki, Meta və YouTube kağız üzərində bunu qadağan etsə də, hər iki sosial media nəhənginin gizlicə öz qaydalarından yan keçərək uşaqları hədəf aldığı ortaya çıxıb. Financial Times-a görə, hər iki şirkətin reklam kateqoriyaları arasında “naməlum” etiketli qrup var. Bildirilir ki, bu kateqoriyaya daxil olan istifadəçilərin yaşı, cinsi, valideyn statusu və ya ailə gəliri müəyyən edilə bilməz. Digər tərəfdən, mənbəyə görə, bu, gənclərə yönəlmiş reklamları ört-basdır etməkdən ötrü atılmış addımdır. Bu kateqoriyanı seçən reklamçıların “əhəmiyyətli dərəcədə daha böyük auditoriyaya” çatdığı da bildirilir.
ABŞ-da yerləşən reklam nəhəngi Publicis-ə məxsus Spark Foundry, fevral-aprel ayları arasında Kandada qeyri-qanuni marketinq kampaniyasına başlamaq üçün bu şirkətlərlə işlədiyini, daha sonra 2024-cü ilin may ayında ABŞ-da da proqramı başlatdığını bildirib. Meta-nın Instagram və Google-dan başqa platformalara da genişləndirməyi planlaşdırdığı bu metodun səbəbi gənclərin TikTok kimi rəqib xidmətlərə üz tutması olub. Google indi bu iddialarla bağlı araşdırmaya başlayıb və reklam kampaniyaları da ləğv edilib. “Biz 18 yaşdan kiçik hər kəsə fərdiləşdirilmiş reklamları qadağan edirik. Satış nümayəndələrimizə reklam verənlərə və ya agentliklərə bizim qaydalarımızdan yan keçməsini məhdudlaşdırmaq üçün əlavə addımlar atacağıq” deyə Google açıqlama verib.
