Süni intellektdə reallaşan sürətli inkişaf indi kvant texnologiyası üçün də təkrarlana bilər. Belə ki, Bu sahədə əhəmiyyətli şirkətlərdən biri olan Riverlane, kvant problemlərini aradan qaldırmağı hədəfləyir. Kvant kompüterləri elm və texnologiya dünyasında inqilab etmək potensialına malik yenilik kimi ortaya çıxmağa hazırlaşır.
Bu yeni nəsil kompüterlər ənənəvi kompüterlərin edə bilmədiyi mürəkkəb tapşırıqları yerinə yetirmək qabiliyyəti ilə böyük dəyişikliyə səbəb ola bilər. İndi, Kembricdə yerləşən Riverlane şirkətinin qurucusu, kvant texnologiyasının qabaqcıllarından biri olan Steve Brierley, bu texnologiyanın yaxın gələcəkdə “Sputnik” anını yaşayacağını proqnozlaşdırır. Bu an isə eynilə Sputnik peykinin kosmos yarışında dönüş nöqtəsi olduğu kimi, bu an kvant kompüterləri üçün təməlqoyma olacaq.
Riverlane, kvant kompüterlərinin ən böyük maneələrindən biri olan səhv düzəltmək mövzusunda mühüm bir addım atıb. Şirkət dünyanın ilk xüsusi kvant dekoder çipini hazırlayıb. Bu çip kvant kompüterlərinin qarşılaşdığı səhvləri aşkarlaya və düzəldə bilər. Keçmiş Google Quantum AI rəhbəri John Martinis-ə görə, bu cür səhvlərin düzəldilməsi üsulları kvant kompüterlərinin potensialını reallaşdırmaq üçün çox vacibdir. Riverlane də bu işləri ilə böyük investorların diqqətini çəkib. Şirkət bu yaxınlarda 75 milyon dollarlıq sərmayə alaraq, ictimaiyyətə açıqlanmadan əvvəl son maliyyələşdirmə raundunu tamamlayıb. Bu investisiya kvant elmində mühüm həddi keçməyə imkan verəcək. Bu hədd isə 1 milyon səhvsiz əməliyyatı yerinə yetirə bilən kvant sistemlərinin inkişafı adlanır.
