ORNL (Oak Ridge Milli Laboratoriyası) Porsche Taycan modelinə quraşdırdıqları xüsusi sistem iilə simsiz enerji doldurma rekordu qırıb. Oak Ridge Milli Laboratoriyasının tədqiqatçıları xüsusi modifikasiyalar etdikləri Porsche Taycan və inkişaf etdirdikləri 270 kVt simsiz enerji doldurma sistemi ilə daha bir ilkə imza atıblar. Qeyd edək ki, daha əvvəl simsiz enerji doldurma rekordu 100 kVt olaraq qeydə alınmışdı.
Taycanın batareyasını cəmi 10 dəqiqə ərzində 50% doldura bilən güclü sistem Volkswagen America-nın dəstəyi ilə sınaqdan keçirilmiş və gələcək üçün əhəmiyyətli bir addım atmışdır. Əhəmiyyətli təhlükəsizlik tədbirlərinə sahib olduğu ifadə edilən və 12 sm məsafədə şarj edə bilən sistem, açıqlamaya görə, Volkswagen tərəfindən dəstəklənəcək və inkişaf etdiriləcək. Qeyd edək ki, sistem yerdəki şarj səthi ilə avtomobilin altındakı doldurma bobini arasında elektrik ötürür. Bu kimi simsiz enerji doldurma sistemləri sayəsində gələcəkdə elektrik avtomobillərini doldurmaq üçün kabel bağlantısına ehtiyac qalmayacaq.
Bundan əvvəl dizaynı mübahisəli olan Tesla Cybertruck modelinin hələ mövcud olmayan simsiz enerji doldurma infrastrukturuna hazır olması diqqət çəkirdi. Xatırladaq ki, Tesla keçən ilin sonunda Almaniyada yerləşən Wiferion-u satın almağı planlaşdırdığı xəbəri ilə gündəmə gəlmişdi. Sonradan məlum olmuşdu ki, şirkət bu alış-verişi sakitcə həyata keçirib. Model seriyalı vasitələrə simsiz enerji doldurmağı gətirmək istədiyini ilin əvvəlində açıq şəkildə ifadə edən və bunu yuxarıdakı şəkillə nümayiş etdirən şirkətin, 2016-cı ildə qurulan Wiferion texnologiyaları ilə buna çox daha sürətli nail olduğu deyilirdi. Lakin sonradan Tesla maraqlı addım ataraq Wiferionu satıb.
