Bir neçə ay əvvəl Avropa Birliyinin yeni qanunlarına görə, Avropada iPhone istifadəçilərinin istifadəsinə verilən üçüncü tərəf mağazası ilk tətbiqlərini təqdim edib. Belə ki, təqdim edilən proqramlar arasında uzun müddətdir gözlənilən Torrent proqramı da daxildir. Beləliklə, Avropalı iPhone istifadəçiləri indi cihazlarına jailbreak lazım olmada Torrent yükləyə biləcəklər.
Apple uzun müddətdir ki, torrent proqramlarını App Store-a daxil etmirdi. Bunun ən böyük səbəblərindən biri isə bu cür tətbiqlərin ümumiyyətlə müəllif hüquqlarını pozan pirat məzmun üçün istifadə olunması idi. Bu məhdudiyyəti aradan qaldırmaq üçün iOS istifadəçiləri üçün jailbreak tələb olunurdu. Ancaq bu vəziyyəti bir qədər dəyişdirən bir yenilik oldu. Torrent tətbiqləri iPhone-lara Apple-ın Avropa Birliyinin qanunlarına görə App Store-dan başqa üçüncü tərəf bazarlarına icazə verməsi sayəsində gəlib. AltStorePAL adlanan üçüncü tərəf proqram mağazası 3 ay əvvəl Aİ qanunlarına əsasən Avropa ölkələrində iPhone istifadəçilərinin istifadəsinə verilib.
Mağaza indi istifadəçilərə ilk 3-cü tərəf proqramlarını təqdim etməyə başlayıb. Qeyd edək ki, ilk dörd proqramdan üçü yalnız AltStorePAL-da buraxılıb və App Store-da mövcud deyil. Bunlardan biri iPhone və iPad-lərdə jailbreak tələb etmədən istifadə edilə bilən iOS torrent proqramı olan iTorrent-dir. İkincisi, iOS üçün qBittorent proqramı olan qBitControl, üçüncüsü, yaxınlıqdakı digər istifadəçilərlə sizə uyğun gələn tanışlıq mərkəzli sosial kəşf proqramı olan PeopleDrop, sonuncusu isə müxtəlif əməliyyat sistemləri üçün emulyator kimi çıxış edən UTM SE-dir. UTM SE bu qrupda Apple-dan təsdiq almış və App Store-da mövcud olan yeganə proqramdır. Digərlərinə Apple-ın öz mağazasından daxil olmaq mümkün deyil. Apple torrent proqramlarını hüquqları pozduqları səbəbilə mağazasından qadağan edib.
