Las-Veqasda açılan Sphere, böyük səs-küy yaratmağa davam edir. Belə ki, bu nəhəng kürənin arxasında duran əsas şirkət Nvidia imiş. Las Vegas Sphere nə az, nə çox 150 müxtəlif Nvidia RTX A6000 GPU ilə təchiz edilibmiş.
Qeyd edək ki, Las Vegas Strip-in şərqində yerləşən Sphere multimedia media arenası texnoloji möcüzə hesab olunur. Daha əvvəl Las Vegas Sphere ekranlarının işləməsi üçün 400GB/s ötürmə qabiliyyətini təmin edən 4000TB SSD yaddaş tələb olunduğu ortaya çıxmışdı. İndi isə məlum olub ki, Sphere qrafik tərəfində 150 Nvidia RTX A6000 GPU ilə təchiz edilib. Hündürlüyü 111 metr, eni 157 metr olan bina 2,3 milyard dollarlıq sərmayə nəticəsində meydana gələn Sphere bu gün bir çox xəbərlərlə gündəmdə qalmağı bacarır.
Xaricdə xüsusi olaraq 1,2 milyon LED diskə (hər disk 48 müxtəlif LED dioddan ibarətdir) malik olan Sphere, bu LED-lərdən ibarət rəngli ekranda istədiyiniz hər şeyi göstərə bilər. Hazırda Las Vegas Sphere 18 min oturacaq tutumuna malik səhnəsi ilə bir çox xüsusi tədbirlərə ev sahibliyi etməyə davam edir. Belə ki, texnologiya nəhəngləri marketinq tərəfində uğurlarını inkişaf etdirə bilmək üçün məhz Las Vegas Sphere-dən istifadə edir. Şirkətin öz açıqlamasına görə, nəhəng ekranlar 150 fərqli Nvidia RTX A6000 GPU ilə təchiz edilib. 300 Vt TDP ilə hər bir GPU-da 10 mindən çox CUDA nüvəsi və 48 GB yaddaş var. Əgər bütün GPU-lar maksimum güclə işlədilirsə, cəmi 1.612.800 nüvə, 7.200 GB GDDR6 yaddaş və 45.000 Vt enerji istehlakı hesablanır. Bildirilir ki, DOCA Firefly Service və Nvidia Rivermax Software kimi proqram texnologiyaları tərəfindən dəstəklənən BlueField DPU və ConnectX-6 Dx NIC daxil olmaqla, 150 Nvidia RTX GPU ən müasir əlaqə sistemlərindən istifadə etməklə bir-birinə bağlıdır.
