Dövrünün ən uğurlu markalarından biri olan HTC, yeni orta səviyyəli smartfonları HTC U24 və U24 Pro üçün hazırlıqlarını tamamlayıb. Beləliklə, yeni orta səviyyəli smartfonların təqdimat tarixi də məlumdur. Gəlin görək məşhur HTC brendi hansı xüsusiyyətlər ilə smartfon bazarında diqqətləri öz üzərinə cəlb etməyə çalışır.
Şübhəsiz ki, hər kəs ağıllı smartfonların hələ təzə ortaya çıxdığı dövrlərdə HTC brendinə məxsus smartfonları görüb və hətta istifadə edib. İndi isə dövrünün ən məşhur və uğurlu brendlərindən biri olan HTC əsas diqqətini orta səviyyəli smartfon modellərinə çevirib. Belə ki, HTC brendi yeni U24 və U24 Pro modelləri ilə aramıza geri qayıdır. Ötən saatlarda HTC rəsmi X hesabında bir yazı ilə U24 və U24 Pro-nu elan etməyə başlayıb. Belə ki, tizerə baxdıqda hər iki modelinin təqdimat tarixinin 12 iyunda olduğunu görmək mümkündür. Bundan əlavə cihazın yan tərəfində və altında “Tezliklə” ifadəsi var.
Yeni U24 və U24 Pro-nun xüsusiyyətləri rəsmi olaraq açıqlanmayıb. Bununla belə, hər iki model əvvəllər Geekbench platformasında nümayiş etdirilib. Müvafiq olaraq, yeni U24 12 GB RAM və Snapdragon 7 Gen 3 platforması ilə təchiz ediləcək. Smartfon 6.78 düymlük 1080×2436 təsvir ölçülü, 120 Hz yeniləmə sürətinə sahib OLED panelə sahib olacaq. Xatırladaq ki, U23 seriyası 4600 mAs batareya həcminə sahib olmuşdu. U24 seriyasının isə 5000 mAs batareya həcminə sahib olması və Android 14 ilə təchiz edilməsi gözlənilir.
