McKinsey & Company-nin yeni araşdırmasına görə, metaverse dəyəri 2030-cu ilə qədər 5 trilyon dollara çatacaq. Hesabata görə, hazırda e-ticarət 2,6 trilyon dollar, onlayn öyrənmə 270 milyard dollar, reklam 206 milyard dollar, oyun sahəsi isə 125 milyard dollar dəyərindədir. Belə ki, McKinsey Asiya-Sakit okean, Çin, Avropa və ABŞ-da 3400-dən çox istehlakçı və rəhbər arasında metaverse istifadəçilərinin vərdişləri, motivasiyaları, onların nə etdikləri və nə etmək istədikləri barədə məlumat əldə etmək üçün sorğu keçirib. Bu zaman metaverse-in dəyər yaratma potensialı və ümumi investisiya mühiti təhlil edilərək incələndi. Bütün bu hesabatların məqsədi metaverse-in nə olduğu və nə olmadığı, ilk daxil olanların nə etdiyi, sərmayələri nəyin gücləndirdiyi və istehlakçılar və B2B şirkətləri üçün potensialın aydın görünüşünü təmin etməkdir.
Metaverse dəyəri artmağa davam edir
Paylaşılan məlumata görə, bu il risk kapitalı və özəl kapital şirkətləri metaverse-ə 120 milyard dollardan çox sərmayə qoyublar. Keçən il qoyulan ümumi investisiya dəyəri 57 milyard dollar olmuşdur. Bu o deməkdir ki, qoyulan investisiyaların miqdarı 2 dəfədən çox artıb. McKinsey şirkətinin araşdırması istifadəçilərin metaverse haqqında həyəcanlı olduqlarını göstərir. Hətta əlavə olaraq araşdırmanın göstərdiyi nəticələrdən biridə budur ki, istifadəçilərin 10-dan 6-sı yəni 59%-i real dünyadakı fiziki fəaliyyətlər yerinə ən az bir dəfə metaverse təcrübəsi yaşamağı seçir. Metaverse dünyasında istifadəçilərin ən çox etdiyi fəaliyyətlərdə maraqlıdır. Belə ki, alış-veriş, yəni fiziki və ya virtual malların alınması 79%, virtual sosial tədbirlərdə iştirak etmək və ya sosial oyunlar oynamaq isə 78 %-dir. Virtual reallıqdan istifadə edərək idman edənlər isə 76%-dir.
Qısacası deyə bilərik ki, real dünyada mövcud olan bütün fəaliyyətlər eyni şəkildə metaverse dünyasında da mövcuddur və artıq həyatımızın bir parçası olmağa başlayır. Bu da metaverse dəyəri ilə bağlı artımlara gətirib çıxarır. İnsanlarda həyəcan hissi oyadan bu dünya sərmayə miqdarınında artmasına səbəb olur. Liderlərin 95 faizi metaverse-in 5-10 il ərzində sənayelərə müsbət təsir göstərəcəyini gözlədiklərini desələr də, 31 faizi metaverse-in sənayelərin işini kökündən dəyişəcəyini deyir. Ümumi olaraq metaverse-in nə olduğu haqqında məlumat almaq üçün linkə keçid edə bilərsiniz.
