Beləliklə, ötən gecə baş tutan Google I/O 2024 tədbirində təqdim edilən yeniliklər olduqca cəlbedicidir. Süni intellektin mərkəzdə olduğu tədbirdə mühüm yeniliklər nümayiş etdirilib. Google I/O 2024 tədbirində internet nəhəngi Google-un yaxın gələcəkdə təqdim edəcəyi maraqlı yeni texnologiyalarla tanış olmaq şansımız oldu. Məhz ötən günlərdə baş tutan OpenAI tədbirində olduğu kimi Google şirkətinin tədbirində də süni intellekt əsaslı bir çox alət təqdim edilib.
Gemini dil modelləri ilə süni intellekt tərəfində onsuz da çox güclü olan, lakin bu gün OpenAI-ya qarşı daha da möhkəm dayanacağını göstərdi. İlk olaraq qeyd edək ki, tədbir Google-un məhsuldar süni intellektə əsaslanan musiqi yaratma aləti MusicFX DJ-yə əsaslanan qəribə şou ilə başladı. Bu şou birbaşa Marc Rebillet tərəfindən həyata keçirilib. Generativ süni intellektə əsaslanan “Search Generative Experiences” infrastrukturu indi “AI Overviews” adlanacaq. Bu həftə ABŞ-da hər kəs üçün əlçatan olacaq sistem, daha sonra digər ölkələrdə də əlçatan olacaq. Bir anda verilən çoxlu sayda sualı aşkarlaya bilən və sizin adınıza araşdırma aparıb cavab verə bilən “AI Overviews” bu infrastrukturda olan internet saytlarının məlumatlarını alaraq onları arxa plana keçirir və cavablar birbaşa Google axtarış səhifəsində görünür. Bu sistem çəkilmiş fotoşəkillər üzərində vizual axtarış apara, video çəkildiyi təqdirdə isə videonu kadrlara bölərək, qarşılaşdığınız problemin həlli üçün ətraflı axtarış apara bilər.
Məhsuldar süni intellektə əsaslanan axtarış sistemi Google Photos-da “Ask Photos” adlanan, verilən sualları aşkarlaya və istəklərinizə uyğun olaraq fotoşəkilləri tapa və ya albom yarada bilər. Bundan əlavə, Gemini 1.5 Pro indi qlobal olaraq bütün tərtibatçılar üçün əlçatandır və həmçinin Workspace Labs üçün xüsusi olaraq buraxılır. Bu köməkçi ilə danışaraq əlaqə saxlaya bilərsiniz, sistem olduqca təbii görünür.
Google “AI Agents” adlı süni intellekt köməkçiləri ilə insanların həyatını asanlaşdıracaq. Süni intellekt agentləri çoxsaylı Google xidmətlərinə daxil olaraq məlumat toplaya biləcəklər. Tədbirdə həmçinin, yeni Gemini 1.5 Flash böyük dil modeli təqdim edildi. Daha sürətli və daha səmərəli olduğu deyilən bu model, 1.5 Pro ilə müqayisədə daha az əhatə dairəsinə malikdir. Bir digər yenilik də Project Astra oldu. Məhsuldar süni intellektə əsaslanan rəqəmsal köməkçi olan Astra, telefon kamerası vasitəsilə ətraf mühiti görərək demək olar ki, hər şeyi aşkar edə və onların nə olduğunu izah edə bilir. Verilən suallara çox səlis cavab verə bilən sistem hətta telefon ekranına və ya masaya çəkilmiş markerləri də aşkar edib ona uyğun cavab verə bilir.
Imagen 3 isə azılanlardan vizual görüntülər çıxara və araşdırmalardan sonra çox real nəticələr verə bilir. Music AI Sandbox musiqiçilərə yeni mahnı/musiqi istehsal edə və mövcud musiqini saniyələr ərzində başqa üslublara çevirə biləcək yeni süni intellekt alətləri təklif edir. Sənətçilər sadəcə olaraq yazmaqla, yəni istəklərini yazılı şəkildə bildirməklə musiqi yarada bilərlər.
Google I/O 2024 tədbirində OpenAI Sora rəqibi “Veo” elan edildi. 1080P dəstəkləyən sistem Sora kimi mətndən videolar yarada bilir. 1 dəqiqədən uzun video çəkə bilən sistem Google-un göstərdiyi nümunələrə görə real nəticələr verir. İndi Gmail süni intellekt əldə edilb. Belə ki, Gemini köməyi ilə Gmail e-poçtları ümumiləşdirə biləcək.
