Avtomobilin qəzaya və ya digər neqativ hallara düşməsi bir yana, Xiaomi SU7 tədarükü başladıqdan sonra çox qəribə bir hadisə baş verib. Belə ki, Çinli texnologiya nəhənginin ilk elektrikli avtomobili Xiaomi SU7 heç 50 km sürülməmiş qəribə şəkildə xarab olub. Maraqlısı budur ki, avtomobili təmir etmək də mümkün deyil.
Ümumiyyətlə, Xiaomi SU7 elektromobilinin tədarüklərinə aprelin 3-də başlanılıb. O vaxtdan bəri çoxlu qəzalar və ya bədbəxt hadisələr baş verib. Lakin son hadisə olduqca qəribədir. Elektromobil cəmi 39 km qət etdikdən sonra xarab olub. Araşdırmalardan sonra onun zavoda qaytarılması qərara alınıb. Hadisə Xiaomi SU7 istifadəçisinin avtomobilinin cəmi 39 kilometr yol getdikdən sonra xarab olduğunu göstərən video paylaşması ilə başlayıb. İstifadəçi avtomobili çatdırılma mərkəzinə gətirib. İlk baxışdan sonra avtomobildə heç bir problem aşkar edilməyib. Satış sonrası işçilər avtomobilin geri qaytarılması prosesini öz öhdələrinə götürəcəklərini deyiblər.
Qeyd edək ki, videonu paylaşan şəxs, SU7-nin standart versiyasını Xiang’andakı Xiaomi Auto Delivery Center-dən aldığını bildirib. İstifadəçi satış sonrası xidmətlə söhbətinin görüntüsünü bu sözlərlə paylaşıb: “İstədiyim maşındır, pulun qaytarılması deyil.” İşçilər avtomobilin ətraflı müayinədən sonra ona təhvil veriləcəyini bildirdilər. Təbii ki, bu, vaxt aparacaq prosesdir, lakin Xiaomi-nin fikrincə, avtomobillərin keyfiyyətini təmin etmək lazımdır. Xiaomi avtomobilin xarab olmasına nəyin səbəb olduğunu öyrənmək və problem üzərində işləmək istəyir, lakin hazırda yüksək tələbat səbəbindən istifadəçiyə avtomobili dəyişdirmək seçimi təklif edə bilmir.
