Google, bu dəfə flaqman smartfonlar səviyyəsində performansa sahib olan orta büdcəli smartfonu Pixel 8a modelini təqdim edib. Belə ki, yeni smartfon sələfi Pixel 7a ilə müqayisədə daha performanslı olan və flaqman Pixel 8, Pixel 8 Pro modellərində istifadə olunan Tensor G3 çipsetinə sahib olub. Habelə, yeni smartfon 7 il proqram yenilənmələrini dəstəkləyəcək.
![Google Pixel 8a](https://tedroid.com/media/2024/05/google-pixel-8a-teqdim-edib.jpg)
Apple brendi ilə yanaşı gecə saatlarında Google brendi də ABŞ-da yeni cihazlarını təqdim edib. Belə ki, texnologiya nəhəngi 6.1 düymlük 2400×1080 piksel təsvir ölçülü 120 Hz yenilənmə tezlikli ekranla təchiz edilmiş Pixel 8a modelini təqdim edib. Maraqlısı budur ki, smartfon orta büdcəli olsa da təklif etdiyi xüsusiyyətlər flaqman cihazlar səviyyəsindədir. Belə ki, Google bu smartfonu da flaqman cihazları kimi 120Hz ekran və Tensor G3 çipseti ilə təchiz edilb. O cümlədən, Google smartfonun 7 il proqram yenilənmələrini dəstəkləyəcəyini bildirib.
![Google Pixel 8a](https://tedroid.com/media/2024/05/google-pixel-8a-teqdim-edib-1.jpg)
Çipset və ekrandan fərqli olaraq digər bütün xüsusiyyətlər demək olar ki, ötən il təqdim edilmiş Pixel 7a modeli ilə eynidir. Belə ki, cihaz Pixel 7a kimi 8 GB RAM, 128 GB daxili yaddaş, IP67 su və tozdan qorunma, displeydə olan barmaq izi skaneri kimi xüsusiyyətlərə sahib olub. Kamera tərəfində isə smartfon 64MP əsas, 13MP geniş bucaqlı kamera sensorlarına sahib olub. Ön tərəfdə isə cihaz 13MP selfie kamerası ilə təchiz edilib. Dizayna gəlincə, Pixel 8a modeli. Pixel 7a ilə müqayisədə daha dairəvi olub. Bu yeniilik öz formasına görə iPhone 7 modelini bizlərə xatırladır. Smartfon 3 rəngdə Qara, Ağ və Yaşıl rənglərdə təklif olunur. Onun batareya həcmi 4492 mAs olub, 18Vt sürətli şarj dəstəkləyir. Smartfonun qiyməti də Pixel 7a kimi 499 olaraq qalır.