Təqdim edildiyi gündən bəri gərək dizayn olsun, gərək də qiymət mövzusunda daim mübahisə edilən Cybertruck yenidən gündəmdədir. Belə ki, Tesla şirkəti anidən məşhurlaşan mexaniki nasazlığa görə bütün Cybertruck modellərinin tədarükünü bir həftəlik dayandırır. Səbəb isə avtomobilin qaz pedalında mexaniki bir problemin ortaya çıxmasıdır.
Qeyd edək ki, ABŞ mərkəzli şirkət bu problem həll olunmayana qədər yeni avtomobilləri təhvil verməyəcək. Həmçinin şirkət hələlik bu proseslər bağlı ətraflı məlumat verməyib. Ümumiyyətlə müəyyən tədarük problemləri yaşayan Cybertruck sifariş edənlər, qarşılaşdıqları mənzərədən heç də razı deyillər. Artıq avtomobilini təhvil alanların da qaz pedalında müəyyən problemlər ilə qarşılaşdıqları bildirilir və həmin şəxslərə servis dəstəyi göstəriləcək. Maraqlısı budur ki, dizaynı hələ də mübahisəli olan Tesla Cybertruck modelinin daha əvvəl təklif olunmayan simsiz enerji doldurma infrastrukturuna hazır olduğu müəyyən edilib.
Ümumiyyətlə, ortaya çıxan bu problem videodan da göründüyü kimi avtomobilin istənilməyən sürətlərə çatmasına səbəb ola bilir. Məhz bu halın böyük faciələr səbəb olmaması isə Tesla şirkəti üçün çox müsbət haldır. Xatırladaq ki, Cybertruck daha əvvəl mənzil tərəfində həvəskarlarını məyus etmişdi. İndi isə ortaya çıxan bu problem şirkətin satışlarına ciddi təsir edə bilər. Hazırda q ən uyğun qiymətli arxa ötürücülü model tək şarj ilə 402 km məsafə qət etməyə imkan verir. Reallıq isə Tesla brendinin qeyd etdiyi göstəricilərdən olduqca fərqlidir. Belə ki, yeni elektromobil ilə 16 min km qət edən iki istifadəçi bütün detallar paylaşaraq bildiriblər ki, reallıq məyusedicidir.
İstifadəçilərə görə elektrikli pikap real şəraitdə sadəcə 332 km məsafə qət edə bilir. Bundan əlavə elektromobil 80% şarj ilə sadəcə 264 km məsafə qət etmək qabiliyyətinə malikdir. Gördüyümüz kimi, Tesla brendinin bildirdiyi rəqəmlər ilə real rəqəmlər olduqca fərqlidir. Təbii ki, mənzilə təsir edən bir çox amil mövcuddur, lakin bu qədər fərqin meydana gəlməsi həqiqətən də diqqət cəlb edir.
