Ötən günlərdə olduqca ucuz qiymətlərlə satışa çıxarılan Xiaomi SU7 modeli ilə bağlı çinli texnologiya nəhəngi avtomobili sifariş edərək sahib olmaq istəyənlərə xəbərdarlıq edib. Ümumiyyətlə Xiaomi SU7 modeli çoxsaylı komponentləri ilə kiçik superkompüter kimi işləyir. Buna görə də, proqram dəyişiklikləri edərək onu yarışlara daxil etmək və ya performansını inanılmaz səviyyədə artırmaq mümkündür.
Xiaomi şirkətinin 27 dəqiqədə 50 min ədəd sataraq qırılması çətin olan rekorda imza atan elektrik avtomobili SU7, şirkətin bazar dəyərini 4 milyard dollar artırmışdı. Maraqlısı budur ki, çinli texnologiya nəhəngi elektromobilin bu qədər maraq cəlb edəcəyini və sifarişlərin bu həddə çatacağını heç gözləmirdi. Xiaomi sual-cavab sessiyasında SU7 sahiblərinə bir daha xəbərdarlıq edib ki, avtomobilin avadanlıqları ilə oynamasınlar və yarışa daxil olmasınlar.
Nəqliyyat vasitələri elektrikli və ağıllı olduqdan sonra təkmil kompüter şəklini alırlar. Bu o deməkdir ki, avtomobil avadanlığı dəyişdirilə və ya onun orijinal parametrləri dəyişdirilə bilər. Xiaomi şirkəti özü də vəziyyətdən xəbərdardır və bununla bağlı müştərilərini daha təmkinli olmağa çağırıb. Avtomobil sahiblərinə və ya sahib olmaq istəyənlərə müraciət edən Xiaomi, icazəsiz aparat dəyişikliklərinin təhlükəsizlik riski yaradacağını bildirdi. Yalnız orijinal avadanlıqların sınaqdan keçirildiyini deyən Xiaomi, bundan kənara çıxsa problemlərin yarana biləcəyi barədə xəbərdarlıq etdi. Digər tərəfdən, avtomobilləri ilə yarışmaq istəyənlərə xəbərdarlıq edilib.
