8 – 20 mart tarixlərində İRİA-nın təşəbbüsü və KOICA-nın təşkilatçılığı ilə Cənubi Koreyanın Seul şəhərində Azərbaycan ekosisteminin 12 nümayəndəsinin qoşulduğu “Capacity Building on Startup Policies in Azerbaijan” təlim proqramı baş tutub. Təlimlər innovasiya ekosisteminin qurulması və innovasiyaların idarə edilməsi, Azərbaycanda startaplar üçün strategiyanın formalaşdırılması ilə bağlı mövzuları əhatə edib.
Nümayəndələr həmçinin Cənubi Koreyanın Soongsil Universiteti və KOICA-nın birgə apardığı potensialın güncəndirilməsi proqramı çərçivəsində GKEDC (Global Knowledge Exchange and Development Center), Korea Development Industrial Complex, Gangnam Employment Startup Hub Center, RDA (Rural Development Adminstration), KAIST (Korea Advanced lnstitute of Science and Technology) kimi mərkəzləri ziyarət etmiş, mərkəzlərin innovasiya modelləri ilə tanış olmuş, daha sonra isə bu metodologiyaların yerli ekosistemdə tətbiqi üzrə müzakirəli təlimlərdə iştirak etmişlər.
Proqramın sonunda isə iştirakçılar KDS (Korea Institute for Development Strategy), KOICA, Soongshil University tərəfindən akkreditə edilmiş sertifikatla təmin edilmişdirlər.
