Qualcomm, əvvəlki modellə müqayisədə əhəmiyyətli performans artımı təklif edən Snapdragon 7+ Gen 3 çipsetini təqdim etməyə hazırlaşır. Belə ki, texnologiya nəhənginin yeni təqdim edəcəyi çipset barədə yeni məlumatlar ortaya çıxıb. Digital Chat Station mənbəsi bir çox smartfona güc verəcək çipsetin xüsusiyyətlərini sızıdırıb. Yeni Qualcomm çipseti hansı xüsusiyyətlərə sahib olacaq?
Sosial şəbəkələrdə ortaya çıxan məlumata görə kod adı SM7675 olan yeni çipset 2,9 GHz saat tezlikli Cortex-X4 əsas nüvəsinə sahib olacaq. Həmçinin orta səviyyəli çipset üçün olduqca yüksək saat sürətinə sahib olacaq çipset, yüksək səviyyəli çipsetlərlə rəqabət apara biləcək. Snapdragon 8 Gen 3-ə bənzər “1 + 4 + 3” nüvə konfiqurasiyasına sahib olacaq çipsetin 4 orta səviyyəli 2,6 GHz Cortex-A720 və 3 səmərəli 1,9 GHz Cortex-A520 nüvəsi ilə təchiz ediləcəyi gözlənilir. Qeyd edək ki, qrafik tərəfində Adreno 732 GPU-su yer alır.
Qualcomm keçən il Snapdragon 7 Gen 3 prosessorunu təqdim etmişdi, lakin əvvəlki model Snapdragon 7+ Gen 2 ilə müqayisədə performans baxımından geridə qalırdı. O cümlədən Snapdragon 7 Gen 3-də “1+3+4” nüvə ardıcıllığı var idi. Məlumatı internetə sızdıran mənbə iddia edir ki, SM7675 bu arxitekturaya əsaslanan yeganə çipset olmaya bilər. Şayiələr SM7675-in fərqli tezlikli versiyası olan SM8635 kod adlı başqa bir çipseti də göstərir. Qeyd edək ki, Qualcomm tərəfindən kod adı “Cliffs” olan hər iki çipin Snapdragon 8 Gen 3-ə əsaslandığı deyilir. Həmçinin yeni çipseti mart ayında təqdim edilə bilər.
