Xiaomi brendinin altbrendlərindən biri olan POCO, ötən gün təqdim etdiyi təqdimat mərasimində yeni smartfon seriyalarını təqdim edib. Belə ki, POCO brendi flaqman səviyyəsində olan yeni POCO X6 seriyasını təqdim etməklə bütün diqqətləri öz üzərinə cəlb edib. Qeyd edək ki, seriyaya POCO X6 və POCO X6 Pro modelləri daxil olub. Orta seqment smartfon bazarı üçün debüt edən yeni smartfon seriyası flaqman səviyyəsində performans təklif etdiyi üçün diqqət çəkib.
Beləliklə POCO X6 modeli, Redmi Note 13 Pro-ya oxşar dizayn ilə qarşımızdadır. Smartfon 6.67 düymlük 120 Hz yenilənmə sürətinə malik və 1800 nit ekran parlaqlığı təklif edən AMOLED ekran paneli ilə təchiz edilib. Qeyd edək ki, ekran panelinin təsvir ölçüsü də 2712×1220-dir. Seriyanın standart modeli olan POCO X6 sələfi ilə eyni Snapdragon 7s Gen 2 çipsetinə sahib olub. Habelə cihaz qara, ağ və mavi olmaqla 3 rəng seçimi ilə təklif olunur. Smartfonun kamera tərəfində isə OIS dəstəkli 64MP əsas, 8MP geniş-bucaqlı və 2MP makro sensorları yer alır. 16MP selfie kamerasına da sahib olan smartfin 67 Vatt dəstəkləyən 5100 mAs batareya ilə təchiz edilib.
POCO X6 seriyasını təşkil edən cihazlardan bir digəri isə daha üstün performansa malik olan POCO X6 Pro modelidir. POCO X6 Pro modeli də 6.67 düymlük 120 Hz yenilənmə sürətinə malik və 1800 nit ekran parlaqlığı təklif edən AMOLED ekran paneli ilə təchiz edilib. Qeyd edək ki, hər iki smartfon dəlikli ekran dizaynına malikdir və ekranaltı barmaq izi sensoru ilə təchiz edilib. Redmi K70E modelinin qlobal versiyası da adlandırılan smartfon 4nm prosesinə əsaslana MediaTek Dimensity 8300 Ultra çipsetinə sahib olub. Hətta ötən günlərdə smartfonun AnTuTu nəticələri orta seqment bazarında rekord qırdığı üçün də səs gətirmişdi.
Kamera tərəfində Poco X6 Pro modeli də OIS dəstəkli 64MP əsas, 8MP geniş-bucaqlı və 2MP makro sensorları ilə təchiz edilib. Batareya həcmi isə Sadə Poco X6 modelindən biraz daha az 5000 mAs-dır. Android 14 əsaslı HyperOS əməliyyat sistemi ilə təchiz edilən smartfonlardan Poco X6 Pro boz, qara və sarı rəng çeşidlərinə sahibdir. Smartfonların qiymət tərəfində isə 8-256GB və 12-512GB POCO X6 müvafiq olaraq 327$ və 403$, 8-256GB və 12-512GB Poco X6 Pro isə 382$ və 458$ qiymət etiketinə sahib olub.
