Beləliklə bu ayın sonundan etibarədən Meta tərəfindən Messenger və Instagram arasındakı söhbət bağlantısı ləğv edilir. Hələlik bu addımın səbəbi açıqlanmasa da, şirkət bunu Avropa Birliyinin yeni rəqəmsal bazarlar aktı səbəbindən etmiş ola bilər. Bildiyimiz kimi Rəqəmsal Bazarlar Aktı bir çox texnologiya nəhənginin dəyişikliklər etməsinə səbəb olub. Görünən odur ki, Meta da mühüm dəyişiklik etməli olub.
Meta artıq Instagram-da Facebook dostlarınızla söhbət etməyə imkan verən funksiyanı ləğv edəcək. Dekabrın ortalarından başlayaraq şirkət 2020-ci ildə əlavə etdiyi çarpaz platforma inteqrasiyasını kəsəcək. Rəqəmsal Bazarlar Aktı əsasən texnologiya nəhəgnlərinin bazardakı rəqabəti aradan qaldırmasına qarşıdır. Meta şirkəti də bu inteqrasiya ilə bu rəqabəti sıfıra endirirdi. Qeyd edək ki, gün keçdikcə Messenger və Instagram arasındakı söhbət bağlantısı iki platforma arasındakı əlaqələri sıxlaşdırırdı. Məhz bunun rəqəmsal bazarlar aktı çərçivəsində ləğv ediləcəyini düşünən Meta elə özü indidən ləğv edəcək.
Qeyd edək ki, dekabrın sonlarına doğru artıq mövcud söhbətlərinizi sadəcə oxuya biləcəksiniz. Facebook hesabları artıq fəaliyyət statusunuzu görə bilməyəcək və oxunmuş bildirişlər ala bilməyəcək. Ümumiyyətlə Avropa Birliyinin yeni rəqəmsal bazarlar aktı əsasən texnologiya nəhənglərini hədəfləyir. Məhz bu akt bazarda inhisarçılığın yaranmasına qarşıdır. Belə ki, şirkətlər müəyyən gəlir həddini ötdükdə dərhal Avropa Birliyinin radarına daxil olur. Əgər şirkətlər yeni qərara əməl etməsə, Aİ Komissiyası şirkətin əvvəlki il üçün ümumi qlobal dövriyyəsinin 10 faizinə qədər cərimə və sanksiyalar tətbiq edə bilər.
