SpaceX şirkəti bu dəfə uğurlu oldu. Belə ki, Elon Musk tərəfindən idarə olunan SpaceX şirkəti dünyanın ən güclü kosmik gəmisi SpaceX Starship gəmisini kosmosa buraxıb. Hətta SpaceX bu tarixi anları X profilində canlı olaraq paylaşıb. Beləliklə şirkət ikinci cəhddə uğurlu olaraq ən güclü kosmik gəmisini kosmosa göndərib. Xatırladaq ki, bundan təxminən 8 ay əvvəl SpaceX şirkəti bu kosmik gəmisi ilə gündəmə gəlmişdi. Şirkətin ən güclü kosmik gəmisi ilk başlarda uğurlu olsa da daha sonra texniki nasazlıq səbəbindən havada məhv edilmişdi.
İndi dünyanın ən güclü kosmik gəmisi SpaceX Starship yenidən havalandırılıb. Şirkətin ikici sınağı isə ötən gün 18 noyabr tarixində Texas ştatının Boca Chica adlı ərazisindəki Starbase məntəqəsində reallaşıb. Habelə kosmik gəmi Bakı saatı ilə 17:03-də havaya qalxıb. Başlanğıcdan bir neçə dəqiqə sonra kosmik gəminin Super Heavy hissəsi planlaşdırıldığı kimi Starship-dən ayrılıb. Daha sonra plana uyğun olaraq havada partlayıb. SpacX Starship kosmik gəmisi 24.000 km/saat sürətə çatıb və 148 kilometr yüksəklikdə yoluna davam edib.
Qeyd edək ki, Starship gəmisi kosmosdakı tədqiqatlar üçün çox vacibdir. Habelə bu kosmik gəmi insanların və ya yüklərin Aya, Marsa daşınması üçün də vacib hesab olunur. Elon öz xəyalını reallaşdırmaq üçün məhz Starship gəmisini işə salmalıdır. Bu kosmik gəmi 2 hissədən ibarətdir. İlk hissə Super Heavy, digəri isə Starship adlanır. Məhz bu iki hissə dünyanın ən böyük və ən güclü kosmik gəmisini təşkil edir. Hətta kosmik gəmi uçuşa hazır vəziyyətə gətirildikdə 122 metr hündürlüyə sahib olur. Habelə Nasa 2025-ci ildə Artemis 3 astronavtlarını Aya endirmək üçün Starship-dən istifadə etməyi planlayır. Hələlik isə bu kosmik gəmi sınaq uçuşlarından keçməlidir.
