Google həmtəsisçisi Sergey Brin-in aviasiya təşəbbüsü olan LTA Research dünyanın ən böyük drijablının ilk uçuş sınaqlarına başlayır. Beləliklə dünyanın ən böyük hava gəmisi olaraq vurğulanan Pathfinder 1 yaxın günlərdə LTA Research tərəfindən sınaqdan keçiriləcək. Qeyd edək ki, bu nəhəng drijabl yaxın günlərdə prototip olaraq təqdim edilmişdi. Məhz bu təqdimatdan sonra bütün diqqətlər də elə bu təyyarəyə cəlb edilmişdi. Ümumiyyətlə Google-un qurucu ortaqlarından biri olan Sergey Brin tərəfindən maliyyə dəstəyi verilən nəhəng hava gəmisinin uzunluğu 3 fərqli Boeing 737-nin uzunluğundan belə daha uzundur. Hətta bu dirijablın ümumilikdə 12 elektrik mühərrikinə sahib olduğu bildirilir.
21-ci əsrin titaniki olaraq adlandıra biləcəyimiz Pathfinder 1 yaxın günlərdə ilk uçuşunu reallaşdıracaq. Qeyd edək ki, təyyarənin sahib olduğu mühərrikləri vasitəsi ilə 120 km/saat sürətə çata bildiyi iddia olunur. Bundan əlavə yeni drijabl 1930-cu illərdə fəlakətlə yadda qalan nəhəng “Hindenburq” dirijablından sonra dünyanın ən böyük drijablıdır. Ekoloji cəhətdən təmiz hesab olunan bu nəqliyyat vasitəsi tonlarla yük daşıma qabiliyyətinə malikdir. Habelə bu dirijablın Fly-by-wire və LiDAR kimi qabaqcıl uçuş sistemləri ilə tamamilə təhlükəsiz olduğu iddia olunur. LTA Research həmçinin hazırda Pathfinder 3 adlanan daha böyük dirijabl hazırlamağı planlaşdırır. Lakin bundan əvvəl yeni hava gəmisi ilk sınaq uçuşunu həyata keçirəcək.
Qeyd edək ki, dirijablın xarici təbəqəsi Tedlar adlanan polimer materialdan hazırlanıb. Məhz bu material yüksək temperatura dayanıqlı olduğu üçün dirijablın təhlükəsizliyini təmin edir. Həmçinin FAA-dən alınan sınaq icazəsi çərçivəsində yeni dirijabl 2024-cü ilin sentyabrında istehsalı tam bitdikdən sonra havalanacaq. Bu hava gəmisini ən önəmli xüsusiyyəti elektrik enerjisi üçün hidrogen yanacaq elementlərindən istifadə etməsidir. Beləliklə ətraf mühit üçün zərərsiz olan bu hava gəmisi gələcək aylarda tarixi rekorda imza atacaq.
