Dünyanın ən zəngin insanı olan Elon Musk bu gün həyatı ilə bağlı çəkiləcək yeni film ilə gündəmdədir. Bu gün birdən çox şirkətə rəhbərlik edən və X platformasında etdiyi yeniliklər ilə tanınan Elon artıq film qəhrəmanı olur. Qeyd edək ki, bu film Walter Isaacsonun yazdığı bioqrafiya kitabı əsasında çəkiləcək. O cümlədən A24 tərəfindən hazırlanacaq bu filmin rejissoru Daren Aronofski olacaq. Daha əvvəl Arofoski “The Whale”, “Requiem for a Dream”, “Black Swan” ve “Mother!” kimi əhəmiyyətli layihələrə imza atıb.
Əslində Elon Musk həyatı ilə bağlı filmin çəkilməsi gözlənilən idi. Çünki, məşhur milyarder həyatı boyunca əziyyətlər görərək bu gün ən varlılar siyahısında birinci yeri əldə edib. Ümumiyyətlə bütün bu uğur Elon-un biliyi və əzmi nəticəsində meydana gəlib. Hazırda Elon dünyanı daha yaxşı bir yer halına gətirmək üçün əlindən gələni edir. O texnologiya tərəfində, o cümlədən kosmos tərəfində ilklərə imza atır. Xatırladaq ki, məşhur milyarder 251 milyard dollarlıq sərvəti ilə Forbes-in hazırladığı siyahıda birinci yer tutmuşdu.
İndi Elon SpaceX, X, Tesla kimi fərqli şirkətlərdən inanılmaz yüksək məbləğlərdə gəlir əldə edir. Hətta bu gəlir siyahıda ikinci yerdə olan Jeff Bezos ilə arasındakı fərqi hər keçən gün genişlədir. Qeyd edək ki, Bezos hazırda 161 milyard dollarlıq sərvəti ilə siyahıda 2-ci, Larri Ellison isə 158 milyard dollarlıq sərvəti ilə 3-cü yeri tutur. Bundan əlavə yeni bioqrafik filməd Elon Musk-ın təsirli həyat hekayəsindən və uğurlu kariyerasından bəhs olunacaq. Habelə onun həyat yolu boyunca üzləşdiyi maraqlı hadisələr də müzakirə olunacq. Yeni layihə ilə bağlı təfərrüatların isə yaxın günlərdə məlum olacağı gözlənilir.
