Yollardakı nahamarlıqlardan da regenerativ qaydada şarj ola bilən elektromobillər uzaqda deyil. Çünki, bu məqsədlə mühəndislər diqqətəlayiq sistemlər hazırlayırlar. Hazırda demək olar ki, hər bir elektrik avtomobil modelində “regenerativ əyləc” sistemi var. Bu sistem əyləc zamanı yaranan enerjini toplayır və beləliklə, avtomobilin hərəkət məsafəsi artırıla bilər.
Lakin bu sistem, məsələn, uzun yollarda əyləc tətbiq edilmədikdə heç bir fayda verə bilməz. Ona görə alternativlərin hazırlanması çox vacibdir. Bunu dəyişdirmək istəyən şirkətlərdən biri də GIG Performance-dır. Paylaşılan məlumata əsasən, şirkət bu yaxınlarda öz TikTok videosunda da baxdıqda görə biləcəyiniz “The Roadkill 1000 UM” adlı çox gözəl bir texnologiyanı təqdim edib. Uzun illərdir bu məsələ ilə məşğul olan şirkət, hazırladığı sistemi birbaşa nəqliyyat vasitələrinin asma sisteminə bağlayır ki, öz elektrik enerjisini istehsal edən elektromobillər yollardakı nahamarlıqlardan şarj olmağı bacarır.
Dəqiq bir rəqəm verilməsə də, bu davamlı elektrik istehsalı ilə çox ciddi diapazon qazancının əldə ediləcəyi bildirilir. Həm iri traktorlu yük maşınları, həm də normal avtomobillər üçün bu rasional sistemi inkişaf etdirən şirkət, sistemi 2024-cü ildə istifadəyə verəcəyini bildirir. GIG Performance həmçinin kobud yollarda yuxarı-aşağı asma hərəkəti nəticəsində yaranan elektrik enerjisini elektromobil olmayan nəqliyyat vasitələri üçün xarici akkumulyatorda saxlaya biləcəklərini bildirir və hələlik sistem üçün qiymət açıqlanmır. Eyni zamanda sistemin nə qədər effektiv olub, elektrik enerjisini nə qədər toplaya biləcəyi də bildirilmir. Buna baxmayaraq texnologiya növbəti illərdə inkişaf üçün çox perspektivli görünür.
