ABŞ mərkəzli elektrikli avtomobil analiz şirkəti Recurrent tərəfindən aparılan araşdırmada, elektromobil batareyalarının neçə getdiyi və ya ömrü hesablandı. Artıq deyə bilərik ki, batareyalar düşünüldüyündən daha uzun müddət işləyir. Müxtəlif marka və modellərdə 15.000 elektrikli avtomobildən əldə edilən real dünya məlumatlar isə bunu təsdiqləyir. Hesabat gündəlik doldurma fəaliyyəti, batareya faizi və təxmin edilən diapazonun oxunuşlarını toplayaraq böyük məlumat toplusu əldə edib.
Araşdırmalar çərçivəsində 15 min avtomobilin yalnız 1,5 faizinin batareyasının dəyişdirildiyi müəyyən edilib. İndiyə qədər elektromobillər təsəvvür etdiyindən çox daha uzun müddət xidmət edib. Ən yüksək normal dəyişdirmə nisbətinə malik modellər Nissan Leaf, təxminən 5% və Tesla Model S isə 5%-dən az kimi görünür. Onu da qeyd edək ki, bu modellər həm də tədqiqata daxil edilən ən köhnə modellərdəndir. Lakin elektromobil batareyalarının ömrü ilə bağlı işlədildiyi il ərzində dayanıqlıqda ciddi mənfi hal müşahidə edilməyib.
Nissan LEAF hələ də yolda olan ən köhnə kütləvi istehsal olunan elektrik avtomobillərindən biridir. Yuxarıdakı qrafik zamanla batareyanın təklif etdiyi diapazonu göstərir.
Maraqlıdır ki, zamanla azalma Model S-in 100 kVt-saat paketində daha çoxdur. Ümumiyyətlə hesabat bizə daha böyük batareyanın zamanla daha çox aşındığı və ortalama bir dəyərə malik batareya ilə bənzər nəticəyə çatan qəribə bir nəticə göstərir.
Tesla Model 3 2018-ci ildən yollardadır və həmçinin ilk 32.000 km ərzində proqnozlaşdırılan məsafədə klassik azalma nümayiş etdirir, bundan sonra tendensiya sabitləşir. 160.000 km nəticədə Model 3-ün 82 kVt-saat paketinin diapazonunda təxminən 8,5 faiz azalma müşahidə olunur.
Müasir standartlara görə kiçik batareya paketlərinə və aşağı diapazona baxmayaraq, köhnə BMW i3 batareya paketləri olduqca yaxşı vəziyyətdədir. Ən kiçik, 22 kVt/saat paket 2014-cü ildə ABŞ-da təqdim edilib. 2017-ci ildə 33 kVt/saatlıq paketlər istifadəyə verilib. Hər ikisi orta hesabla 160.000 km məsafə qət edib, elektromobillər tutumlarının təxminən 80%-ni saxlayıb.
Hyundai Ioniq 5 və Ford Mustang Mach-E yeni modellər olsalar da, çoxlu diqqəti cəlb etdilər. Onlar yeni modellər olduğundan, uzunmüddətli təhlillər hələlik mövcud deyil, lakin qrafika olduqca müsbət görünür. Üstəlik, bu avtomobillərin pulsuz sürətli şarj ilə təchiz olunduğunu nəzərə almaq lazımdır. Bəziləri sürətli şarjın batareyaları zədələdiyini desələr də, bu qrafiklərdən belə bir nəticə çıxarmaq çox çətindir.Beləliklə, bu nəticələr bizə ən azından müasir elektromobil batareyalarının ömrü 15-20 il ərzində sürücülərə heç bir problem yaşatmayacağını göstərir.
