Dünyanın internet nəhəngi Google bu dəfə “Axtarış” və “Lens” infrastrukturları vasitəsilə tələbələrə riyaziyyat məsələlərini həll etməyə kömək edir. Beləliklə Google bu dəfə məktəblilərin və tələbələrin imdadına çatıb. Artıq yeni axtarış və lens infrastrukturu ilə həll edilməsi çətin olan riyazi məsələləri rahatlıqla həll etmək mümkün olacaq. İlk mərhələdə təqdim edilən yeni ingilis dilli infrastrukturda yazılan problemlər və ya məsələlər həll mərhələləri ilə birlikdə ətraflı şəkildə göstərilir və yazılı şəkildə izah edilə bilməyən məsələlər Lens ilə birlikdə fotoşəkillər vasitəsi ilə izah olunur.
Artıq Google şirkətinin “Axtarış” və “Lens” infrastrukturu ilə həndəsə məsələlərini də həll etmək mümkündür. Google bildirir ki, “Riyazi məsələləri həll etməyə çalışarkən növbəti addımın nə olacağına tam əmin olmamaq bir çoxları üçün çox əsəb pozucu ola bilər. İndi axtartışda riyazi məsələləri axtardığınız zaman triqonometriya kimi mövzularda daha çox dəstək əldə edəcəksiniz. Addım-addım izahat və həlli görmək üçün axtarış çubuğuna tənlik və ya inteqralınızı yazmaq, Lens ilə şəklini çəkmək kifayət edəcək”.
Maraqlısı budur ki, Google birbaşa nəticə göstərmək əvəzinə istifaədçilərə kömək olmağı və mərhələli şəkildə məsələni həll etməyi üstün tutur. Onu da qeyd edək ki, şirkət 1000-ə yaxın biologiya, kimya, fizika, astronomiya və digər əlaqəli mövzular üçün təriflər və ümumi məlumatları ehtiva edən interaktiv diaqramlar da təqdim edir. Artıq Argentina, Kolumbiya, Hindistan, İndoneziya, Meksika və Venesueladakı Android istifadəçiləri Google Axtarış vasitəsilə ingilis dili biliklərini təkmilləşdirə bilərlər. Google yaxında bu sistemi bütün dünyadakı istifadəçilər üçün əlçatan etməyi və müxtəlif dillərdə təklif etməyi də düşünür.
