ABŞ sanksiyaları ilə mübarizə aparan çinli texnologiya nəhəngi Huawei, nəhayət yeni cihazları ilə qazancını ikiqat artırıb. Xatırladaq ki, çinin smartfon nəhəngi keçdiyimiz günlərdə yeni smartfonlarını və çipsetini təqdim etmişdi. ABŞ sanksiyalarına rəğmən cihazlarını ən müasir texnologiyalar ilə birlikdə təklif edən çinli smartfon nəhəngi nəhayət əziyyətinin bəhrəsini görüb. Qeyd edək ki, çinli texnologiya nəhənginin bu qədər qazanc əldə etməsi çip sahəsində əldə etdiyi uğur ilə əlaqələndirilir.
Maraqlısı budur ki, TSMC-nin keçmiş vitse prezidentinin sözlərinə görə ABŞ çinli texnologiya nəhəngini yarımkeçirici bazarındakı uğuruna maneə ola bilməyəcək. Belə ki, Huawei çip texnologiyası sahəsində ən böyük uğurunu nümayiş etdiyinə görə bu rübdə qazancını ikiqat artırıb. Bu isə öz növbəsundə çinli texnologiya liderinin ABŞ sanksiyaları ilə sarsılan iş dünyasını sabitləşdirdiyini göstərir. Əldə edilən məlumata görə, Huawei ilin 3-cü rübündə xalis mənfəətini 118 faiz artıraraq 3,6 milyard dollara, satışları isə bir qədər artaraq 19,9 milyard dollara çatdırıb.
Qeyd edək ki, bu rəqəmlərə avqust ayının sonun etibarən ortaya çıxan Mate 60 və Mate 60 Pro modelləri də daxildir. ABŞ sanksiyalarından sonra, yəni 2019-cu ildən etibarən ən yaxşı smartfon istehsalçılarından biri olmaqdan çıxan Huawei əvvəlki mövqeyini bərpa etməyə çalışır. Şirkətin bu ilki əsas uğuru isə bütün məhdudiyyətlərə rəğmən hazırladığı Kirin 9000s çipseti olmuşdu. Məhz bu çipet ABŞ sanksiyalarını kökündən sarsıtmağı bacarmışdı.
