Microsoft şirkətinin iki il əvvəl təqdim etdiyi Windows 11 əməliyyat sistemi ilə bağlı daha bir hesabat ortaya çıxıb. Belə ki, microsoft şirkətinin ən son təqdim etdiyi Windows 11 istifadəçilərinin sayı açıqlanıb. Ümumiyyətlə bir çox insanın fikrincə Windows 11 əməliyyat sistemi texnologiya nəhənginin gözlədiyi nəticəni verməyib. Hətta sonuncu yayılan hesabtda məhz bu iddianı doğrulayır. İki ildir ki, istifadəyə verilən əməliyyat sistemi istənilən nəticəni göstərməyib.
Qeyd edək ki, Windows 11 əməliyyat sistemi sahib olduğu buglara görə istifadəçilərin gözündən düşmüşdü. Hətta Microsoft bu problemləri aradan qaldırsa da, istifadəçilər əməliyyat sisteminə keçid etməkdən imtina edirdi. Son hesabatlara görə, Windows 11 istifadəçilərinin sayı hazırda aylıq olaraq 400 milyonu ötür. Lakin Microsoft bu sayı ilin əvvəlində 500 milyona çatdıracağını gözləyirdi. Maraqlısı budur ki, Windows 10 sadəcə istifadəyə verildikdən 14 ay sonra 400 milyon aktiv istifadəçi sayına artmışdı. Hətta bu əməliyyat sisteminin 1 milyard saya çatması 5 ildən az vaxt tələb edib.
StatCounter mənbəsinin paylaşdığı hesabata görə hazırda Windows 10-un bazar payı 71,62 faiz olduğu halda, Windows 11 üçün bu pay cəmi 23,64 faizdir. Onu da qeyd edək ki, Microsoft artıq Windows 12 üçün işləməyə başlayıb. Artıq analitiklər bunun barəsində bəzi detalları da paylaşıb. Yeni əməliyyat sistemi bir çox yeni süni intellekt texnologiyalarına sahib olacaq.
