Microsoft şirkət hazırda Bing axtarışı mühərrikini süni intellkekt alətləri ilə təkmilləşdirsə də, 2020-ci ildə onu Apple şirkətinə satmağa çalışıb. Əslində Microsoft şirkəti uzunmüddətdir ki, Apple şirkətinin iPhone və digər modellərində əsas axtarış mühərrikini Bing etməyə çalışır. Lakin Apple 2003-cü ildən bəri Google-dan imtina etmir. Qeyd edək ki, hazırda ABŞ Ticarət komissiyası tərəfindən Google şirkətinə qarşı qaldırılan iddia üzrə məhkəmə prosesi davam edir. Belə ki, məhkəmə prosesində Microsoft şirkətinin Bing axtarışı mühərrikini satmaq üçün Apple-a müraciət etdiyi də ortaya çıxıb.
Əgər 2020-ci ildə Microsoft Bing axtarış mühərrikini Apple şirkətinə satmağa çalışarkən Apple razılaşsaydı, indi bütün cihazlarda Safari Bing ilə işə başlayacaqdı. Lakin Apple Microsoft ilə heçcür razılıq əldə edə bilmir. Bu barədə şirkətin internet xidmətlərindən məsul şəxsi Eddie Cue də məlumat verib. Ümumiyyətlə Apple Bing mühərrikinin özündən dəfələrlə çox pul qazanır. Yəni Apple Google istifadəçi sayının çox olduğuna görə ondan əl çəkmək istəmir.
Bildiyimiz kimi, Apple safari üzərindən Google axtarış mühərrikinə daxil olan hərbir istifadəçi üçün müəyyən komissiya əldə edir. Microsoft şirkətinin Bing axtarış mühərriki isə illərdir Google brauzerinin arxasında qalır. Apple şirkəti Bing axtarışı mühərrikinin Google ilə rəqabət edə biləcəyindən narahatdır. Əslində texnologiya nəhəngi burada haqlıdır. Çünki, Microsoft nə qədər yenilik etməyə çalışsa da, Bing hələ də Google-un gerisində qalır. Lakin Microsoft öz fikrindən və məqsədindən imtina etmək niyyətində deyil.
