NASA daha bir təhlükə barədə həyəcan təbili çalır. Belə ki, NASA Yer planeti ilə toqquşmaq təhlükəsi olan Bennu adlı asteroidi məhv etməyi planlayır. Əslində bu cür xəbərlər tez-tez bizim qarşımıza çıxır. Çünki, bu gün planetin ən böyük təhlükələrindən biri kosmosda başıboş gəzən asteroidlərdir. Hətta bu asteroidlər illər əvvəl planetimizə ciddi zərər də vurmuşdu. Bunun nəticəsində isə planetdə bir çox canlının nəsli kəsilmişdi. Nasa qurumu isə bu cür halların təkrarlanmasının qarşısını almaq üçün əlindən gələni edir. Bu məqsədsə NASA Yer planetinə yaxınlaşması gözlənilən Bennu asteroidini uzunmüddətdir ki, müşahidə edir. Həmçinin bu asteroiddən nümunələr götürülməsi üçün bəzi çalışmalar da başlayıb
Görünən odur ki, NASA bu dəfə həqiqətən də ciddidir. Mütəxəssislərə görə Empire States böyüklüyündə nəhəng Bennu adlı asteroidi Yer planetinə doğru yaxınlaşır və NASA onu planetə yaxınlaşmadan məhv etməyi düşünür. Bildiyimiz kimi, NASA bundan əvvəl də bir çox kiçik miqyaslı asteroid və meteroid parçlarının planetimizə yaxınlaşmasının qarşısını alıb. Lakin bu dəfə yaxınlaşan göy cismi çox böyük həcmdədir. Nasa düşünür ki, əgər bu asteroid planetimiz ilə toqquşarsa çox böyük zərərlər meydana gələcək. Qeyd edək ki, Bennu hər 6 ildən bir planetimizə yaxınlaşır. Lakin əsl problem odur ki, hesablamar bu asteroidin gələcəkdə planetimiz ilə toqquşacağından xəbər verir. Hətta 2182-ci il 24 Sentyabr tarixində bu asteroid 22 atom bombası böyüklüyündə bir partlayış ilə planetə zərər verəcək. Nasa isə işini şansa buraxmaq niyyətində deyil.
Qeyd edək ki, Bennu asteroidinin diametri təxminən 500 metrdir. Əgər o, yer planeti ilə toqquşarsa 10 km enində nəhəng krater yarada bilər. O cümlədən asteroidin toqquşduğu ərazidən 965 km məsafədə olan həryer böyük dağıntılara məruz qalacaq. Asteroidin planetimizə toqquşmasına hələ 159 il olsa da, NASA-ya görə bu çox qısa müddətdir.
