Avropa Birliyi daha bir təhlükə ilə üz-üzədir. Belə ki, enerji sahəsində yaşanan vəziyyətin eynisi indi batareyalar üçün də keçərlidir. Avropa Birliyi 2030-cu ilə qədər dünyanın ən böyük texnologiya şirkətlərinin hazırladığı Çin batareyalarından asılı vəziyyətə düşə bilər. Ümumiyyətlə hazırda Avropa elektrikli avtomobil istehsalında da Çinin avtomobil nəhənglərindən geri qalır. Buna səbəb isə ucuz xammal və işçi qvvəsinin Çində daha çox olmasıdır. Hətta vəziyyət o qədər qəlizdir ki, Avropa Birliyi Çin elektromobillərinə əlavə vergi tətbiq etmək qərarı alıb. Görünən odur ki, Avropa yalnız elektrikli avtomobil sahəsində deyil, batareya istehsalında da Çindən geri qalır.
Xatırladaq ki, müharibədən əvvəl Avropa öz enerji ehtiyacının çox böyük hissəsini Rusiyadan qarşılayırdı. Lakin müharibədən sonra bu asılılıq çətində olsa ləğv olundu. İndi isə eyni vəziyyət çin üçün keçərlidir. Avropa Çin batareyalarından asılı vəziyyətə düşməyin astanasındadır. Avropa İttifaqı bu vəziyyətin fərqindədir. Hətta onlar bildirir ki, əgər birlik buna qarşı bir qərar hazırlamasa litium-ion batareyaları və digər yanacaq elementleri üzrə Avropa Çindən asılı vəziyyətə düşəcək. Ən qorxulusu odur ki, bu asılılıq 2030-cu ildən tez ləğv edilə bilməyəcək.
Ümumiyyətlə Avropa birliyinin bu gün əsas məqsədi, karbon emissiya etmədən enerji istehsal edib onları depolamaqdır. Bunun üçün isə Avropa Birliyinə çox böyük miqdarlarda batareyalar lazımdır. Bu ehtiyac o qədər böyükdür ki, Avropa məcburən çindən tonlarla litium-ion batareya idxal edəcək. Lakin Avropa Birliyi hələ də vəziyyətdən çıxış yolu axtarır. Çünki bu asılılıq baş verərsə Avropanın sənaye və xidmət sektoru ehtiyac duyduğu məhsuldarlığı da əldə edə bilməyəcək.
