Bu gün texnologiya dedikdə ilk ağla gələn brendlərdən biri olan Google istifadəçilərini yarı yolda qoyur. Belə ki, əgər sizin Google brendinə məxsus Pixel Watch modelinizin ekranı qırılarsa onu heçcür təmir etdirə bilməyəcəksiniz. Bildiyimiz kimi, Google ağıllı saatlarını əsasən dairəvi dizaynda istehsal edir. Lakin bir çox analtik bu cür ekranların rahatlıqla qırıla və ya çartlaya biləcəyi barədə məlumat vermişdi. Maraqlısı budur ki, indi Google ekranı qırılan ağıllı saatlarını təmir edə bilmir. Hətta istifadəçilər pul müqabilində də öz saatlarını təmir etdirə bilmir.
Bu gün bir neçə Pixel Watch istifadəçisi analoqu olmayan hadisə ilə qarşılaşıb. Belə ki, istifadəçilər sadəcə ekranı çatlayan ağıllı saatlarını təmir etdirmək üçün Google servisi ilə əlaqə saxlayıblar. Lakin nəticə heç də ümid etdikləri kimi olmayıb. Google şirkəti ekranı qırıq Pixel Watch ağıllı saatların təmir prosesi ilə bağlı heç bir müraciətə müsbət cavab vermir. Hətta istifadəçilər pul müqabilində belə öz saatlarını təmir elətdirə bilməyiblər. Həmçinin Google servisi bildirib ki, şirkətin heç bir təmir mərkəzi yoxdur. Məhz bu səbəbdən istifadəçilər yalnız öz ağıllı saatlarını yenisi ilə əvəz edə bilər.
Pixel Watch ağıllı saatları bir çox insan tərəfindən sevilərək istifadə olunur. Lakin bu istifadəçilər saatlarının bu qədər etibarsız olduğu bilsəydilər yəqin ki, ondan imtina edərdilər. Belə ki, Google istehsal etdiyi saatları özü belə təmir edə bilmir. Hətta şirkətin bu saatlar üçün ehtiyat hissəsi hazırlayıb-hazırlamadığı belə məlum deyil. Əgər sizin Pixel Watch saatınızın ekranı qırılıb və ya çartlayıbsa 2 seçiminiz var, ya saatı zibilə atmaq ya da, öz üsulunuzla saatı təmir etmək.
