Texnologiya sahəsi çox qəribədir, çünki bu gün smartfon barədə heç bir təcrübəsi olmayan brendlər öz smartflarını elan edə bilər. Məşhur elektromobil istehsalçısı NIO da özünün ilk smartfon modeli sızdırılıb. Qeyd edək ki, 2014-cü ildə qurulan çinli avtomobil şirkəti elektrikli modelləri ilə populyar olmuşdu. Belə ki, brendin EP9, EC6, ES6 və digər elektrikli modelləri qlobal bazarda diqqət çəkib. İndi isə çinli avtomobil istehsalçısı tamamilə fərqli sahəyə daxil olur. Hətta 21 Sentyabrda şirkət yeni NIO Phone smartfonunu elan edəcək.
21 Sentyabr tarixində keçiriləcək təqdimat tədbirindən əvvəl isə elektrikli avtomobil istehsalçısı NIO tərəfindən ilk smartfon modelinin görüntüləri paylaşılıb. Smartfon ilk baxışda Realme və OnePlus modellərinin dizaynını bizlərə xatırladır. Hətta Oneplus 11 Pro ilə Realme 5 GT modellərinin birləşdirilmiş versiyası olaraq da adlandıra bilərik. Belə ki, smartfon arxa tərəfdə 3 kamera sensoru ilə təchiz ediləcək. Habelə nazik çərçivəli ekran panelinin ortasında bizi selfie kamerası da qarşılayacaq. Artıq smartfonun 16-512GB və 16-1TB olmaqla 2 yaddaş seçimi ilə təklif ediləcəyi də məlumdur.
Təbii ki, əgər elektrikli avtomobil istehsalçısı bir smartfon istehsal edirsə, bu smartfon fərqlənməlidir. NIO brendi də yeni smartfonuna elektromobilləri uzaqdan idarə etməyi imkan verən UWB texnologiyasını əlavə edib. Habelə yeni smartfon Snapdragon 8 Gen 2 çipseti ilə təchiz ediləcək. Hələlik NIO Phone modelinin qiymət açıqlanmasa da, onun 690-950 dollar aralığında qiymət etiketinə sahib olacağı gözlənilir.
